काठमाडौं, ०२ वैशाख २०७९
नेपालको जनस्वाथ्य क्षेत्रमा विगत एक्काइस वर्षदेखि निरन्तर सेवा प्रदान गरेको र कोभिडको महामारीमा अग्रपंक्तिमा रहेर राष्ट्रिय एवं अन्तराष्ट्रिय क्षेत्रमा विशेष योगदान दिए बापत प्रा.डा. सुजन बाबु मरहठ्ठालाई अमेरिकाको फ्लोरिडा स्थित International Health initiative (IHI) नामक अन्तराष्ट्रिय संस्थाले “CARING SOUL AWARD” प्रदान गरेको छ ।
उक्त अवार्ड त्यस संस्थाको तर्फबाट Nova South West युनिभर्सिटीका प्राध्यापक डाक्टर साइरिल बल्भोले एक भब्य समारोहको आयोजना गरि २०२२ अप्रिल १३ तारिकमा अमेरिकाको फ्लोरिडामा प्रदान गर्नु भएको थियो ।
अवार्ड वितरण कार्यक्रममा Nova Southeastern University का सहायक डीन Prof. Dr. Kenneth Johnson Jr. D.O समेत सहभागी रहनुभएको थियो । International Health initiative (IHI) नामक संस्थाले विश्वभरिका १६ भन्दा धेरै देशहरुमा रहेका स्वास्थ्यकर्मीहरुको क्षमता विकास र जनस्वाथ्य क्षेत्रको विकाशको लागि काम गर्दै आएको छ ।
डा. मरहठ्ठाले हालसम्म तिस जना IHI fellow हरुलाई आफ्नो mentorship प्रदान गर्नुभएको छ । साथै प्रा.डा. मरहठ्ठा CARING SOUL AWARD बाट विभूषित हुने नेपालको पहिलो व्यक्ति हुनुहुन्छ ।
नेपालको मेडिकल शिक्षाको सुधार तथा समग्र विकाशको लागि उहाँले शिक्षा विज्ञान तथा प्रविधि मन्त्रालय अन्तर्गत उच्चस्तरीय शिक्षा आयोगको सदस्यको रुपमा समेत कार्य गरेको अनुभव रहेको छ । जनस्वाथ्यको क्षेत्रमा राष्ट्रिय एवं अन्तराष्ट्रिय क्षेत्रमा विशेष सक्रिय प्राध्यापक सुजन बाबु मरहठ्ठा अमेरिका स्थित University of California Davis मा visiting professor को रुपमा समेत कार्यरत हुनुहुन्छ ।
