✍️ अविशेष न्यौपाने
पछिलकडाउन सुरु भयो र चार महिनापछि अन्त्य पनि, बिना कुनै तयारी बिना कुनै ठोस राहतका प्याकेज न यो अवधीमा कुनै धुमधाम तयारी गरियो मात्र कोरोनालाइ पछि आउन निम्तो दिए जस्तो। यसै बिच मान्छे घर जानलाइ हिड्न बाध्य भए, कतिको ब्यवसाय धरापमा पर्यो, आत्महत्या गर्नेको संख्या दोब्बर तेब्बरले वृद्धि भयो, मान्छेमा छुट्टै किसिमको त्रास पैदाभयो। काठमाडौलाई मात्र ठाउँ देख्छ सरकार बिरगंज बिराटनगरमा भेन्टिलेटर, आइसियुको अभावले मान्छे मरिराछन। ठूलो महामारी भनेर घोषणा भैसक्दा पनि सरकारबाट कुनै तयारीको छाटकांट देखिदैन बरु ठुलाठुला भ्रष्टाचारको काण्ड गर्छ अनि लुकाउछ।
भुसको आगो जसरी फैलिएको कोरोना रोकथामका लागी पिसिआर परिक्षण बढाइदैन उल्टै गीतको संग्या दिइन्छ अझ केही समय अगाडि पर्यटन मन्त्रीले नेपाल कोरोना मुक्त देश भनेर प्रचार गर्न आग्रह गर्छन। कुरो हास्यास्पद मात्र थिएन गम्भीर पनि थियो। बास्तबमा कोरोना बल्ल सुरु भयो। दैनिक पांच सयको हाराहारीमा संक्रमित देखिन थालेका छन। कन्ट्याक ट्रेसिङमै ब्यस्त छ सरकार।
सरकार भन्छ ९ बजे पछि घरबाहिर ननिस्क, हामी पैने नौ सम्म घुमिरहन्छौ, सरकार भन्छ मास्क लगाउ, हामी हात चिउडो अनि खल्तिमै सिमित राख्छौ। एस्तो लाग्छ अब कोरोना सकियो अनि लकडाउन खुलेको भोलि पल्ट पिजडाबाट निस्केको चरा जसरी हिडडुल गर्छौ, साथिभाइ भेट्छौ मानौकी लकडाउनको अन्त्य सगै कोरोना पनि सकियो।
संसदमा पिसिआर को दायरा बढाउने संकल्प प्रस्ताबहरु बिफल हुन्छन। सरकार आफ्नै किचलोमा बेस्त छ जनता आफ्नै शैलीमा मस्त छन । हेर्दा लाग्छ कोरोना सरकार र जनताको यो शैलीमा किचिएर मर्छ। बिपदको बेलामा खर्च गर्ने पैसा छ तर उचित प्रयोग गरिदैन। अब जनता सरकार दुबै मुकदर्शक बनेको भान हुन्छ। काठमाण्डौको ढलको कोरोना परिक्षण हुन्छ तर मान्छेको हुदैन। मान्छे नमरिन्जेल हामीमा अलौकिक शकति भएको प्रचार गरीन्छ तर दैनिक तीन चार जनाको मृत्यु हुदा हस्पिटलमा बेड नहुदा कसैलाइ वास्ता छैन।बिचमा स्वास्थ मन्त्री गुमनाम हुन्छन अनि मेयरलाइ नदेखेको पनि बर्षै भैसक्यो। काठमाडौलाई मात्रकेन्द्रीत नीति बन्छ दुरदराजका जनताको अवस्था बुझ्ने फुर्सद हुदैन। भिआइपी को कोरोना परिक्षणको रिपोर्ट छ घण्टामा आउँछ जनता मरेपछी मात्र कोरोना भएको प्रमाणित हुन्छन। कोरोना सम्बन्धि समाजिक जागरणको अभियान चलाउन सरकारलाइ खै कुन कुरोले रोक्यो पत्तो छैन।
लकडाउन र सट्डाउन बाहेक केही गर्दैन। पछिल्लो समय परिक्षण केही बढे पनि त्यो कुनै हालतमा पर्याप्त छैन भुसको आगो जसरी फैलिएको कोरोनालाइ। सरकार कछुवाको गतीमा छ कोरोना खरायोको, त्यसैले कोरोना अगी अगी सरकार पछी पछी भयो। कोरोनाको द्रुततालाइ सरकारले कहिले भेट्छ देख र हेर को अवस्था छ।
Comments 5