यस वर्ष विश्व सुर्तीजन्य पदार्थ रहित दिवस सन् २०२१ साल मे ३१ मा मनाइएको छ। यस वर्ष सुर्तीजन्य पदार्थ रहित दिवसको नारा “commit to quit ” रहेको छ। चुरोट र सुर्ती जस्ता अन्य पदार्थ विरूद्ध यो दिवस मनाइन्छ।
सुर्ती र चुरोट मेसोअमेरिका र दक्षिण अमेरिकाका आम जनताले आविष्कार गरेका हुन्। अमेरिकामा यसको लोकप्रियता बढ्यो र युरोप जस्ता अन्यमा देशहरुमा पनि यसको प्रयोग हुन थाल्यो। मानिसहरुले यसको प्रायोग धेरै मात्रामा गर्नाले यसबाट लाग्ने खतरनाक रोगहरु बढे र मृत्युको संख्या अत्याधिक रुपमा बढ्यो। सन् १९८७ मा विश्व स्वास्थ्य संगठनले अप्रिल ७ लाई धुम्रपान रहित दिवस घोषणा गर्यो। त्यस कार्यको सफलताबाट प्रेरणा लिएर सन् १९८८ मा विश्व स्वास्थ्य संगठनले मे ३१ लाई विश्व सुर्तीजन्य पदार्थ रहित दिवस घोषणा गर्यो।
सुर्तिजन्य पदार्थको सेवनले फोक्सोको क्यान्सर, खोकी, उच्च रक्तचाप जस्ता घातक रोगको सिकार बन्नुपर्छ। त्यसैले यस्ता पदार्थहरु किनेर आफ्नो पैसा कहिले पनि खर्च गर्नु हुदैन।
हाल भइरहेको कोरोनाको महामारीमा, सुर्तीजन्य जस्ता पदार्थ सेवन गर्ने व्यक्तिहरुलाई कोरोना संक्रमण हुने जोखिम बढि हुन्छ। यस्ता व्यक्तिहरु संक्रमित हुँदा उनीहरुको स्वास्थ्यमा देखिने जटिलताहरु अन्य व्यक्तिहरु भन्दा गम्भिर हुन्छन्। सुर्तीजन्य पदार्थले फोक्सोमा पहिलै क्षति पुराइसकेको हुदा त्यस्ता व्यक्तिहरु कोरोना संक्रमित भएमा तिनीहरुको फोक्सो झन नराम्रोसँग बिग्रीन्छ र मृत्यु हुने सम्भावना बढी हुन्छ। सुर्ती, हुक्का र चुरोट सेवन गर्दा हातका औलाले ओठ, मुख र नाक छोइन्छ र एकअर्का बिच साटासाट गरी धुम्रपान तथा सुर्ती सेवन गर्नेलाई कोरोना सर्ने जोखिम झन बढि हुन्छ।
यस्ता पदार्थ सेवन गर्ने व्यक्ति र त्यस व्यक्तिको परिवार समेतले यसको परिणाम नराम्रोसँग भोग्नुपर्दछ। अनावश्यक पैसा यस्ता पदार्थमा खर्च गर्दा घरबार चलाउन गाह्रो हुन्छ। यस पदार्थको सेवनबाट लाग्ने रोगको उपचार गर्न धेरै मात्रामा पैसा खर्च हुन्छ। आर्थिक अवस्था कमजोर भएका मानिसहरुले उपचार गर्नको लागि र अस्पतालको बिल तिर्न घरबार, जग्गा र जमिन बेचेर सडकमा बस्नु पर्ने अवस्था पनि आउन सक्छ।
त्यसैले हामी सबैजनाले धुम्रपान र सुर्तीजन्य पदार्थको सेवन गर्नुहुदैन र अरुलाई पनि यस्ता पदार्थ सेवन नगरौ भनेर सचेत गर्नु हाम्रो कर्तव्य हो।
यस्तो पदार्थलाई सेवन नगरौँ, स्वास्थ र सुखि बनौँ।
