काठमाडौं, १० चैत्र २०८०
नेपाल स्वास्थ्य अनुसन्धान परिषदले प्रत्येक वर्ष प्रदान गरिने विभिन्न विधाका अवार्डका लागि दरखास्त आव्हान गरेको छ।
स्वास्थ्य अनुसन्धान परिषदले आफ्नो स्थापना दिवसको अवसर पारेर यही चैत २८ देखि ३० गतेसम्म आयोजना गर्ने दशौं स्वास्थ्य तथा जनसंख्या वैज्ञानिकहरुको सम्मेलनमा उक्त अवार्ड वितरण परिषदका कार्यकारी निर्देशक डा. प्रमोद जोशीले बताउनु भयो।
डा. जोशीका अनुसार हेल्थ रिसर्च अवार्ड, योङ हेल्थ रिसर्चर अवार्ड, मृगेन्द्र सम्झना योङ हेल्थ रिसर्च अवार्ड (चिकित्सक तर्फ), मृगेन्द्र सम्झना योङ हेल्थ रिसर्च अवार्ड (एनएचआरसी स्टार्फ तर्फ) का लागि एनएचआरसीले दरखास्त आव्हान गर्न लागेको हो।
यसका लागि इच्छुक र योग्यता पुगेका अनुसन्धानकर्ताले यही चैत १६ गतेसम्म दरखास्त दिन सक्ने सूचना प्रकाशित गरेको छ।
