धनगढी, ८ फागुन २०७८
सुदुरपश्चिम प्रदेशका सबै ९ जिल्लाका अस्पताल तथा स्वास्थ्य कार्यालयका फोकल पर्सन, चिकित्सक, सेवाप्रदायक लगायतका स्वास्थ्यकर्मीलाई २ ब्याच गरी ३६ जनालाई प्रशिक्षक प्रशिक्षण समापन गरिएको छ ।
कार्यक्रमको शुभारम्भ सामाजिक विकास मन्त्रालयका सचिब रीता भण्डारीको प्रमुख आतिथ्यता, संघीय स्वास्थ्य तथा जनसंख्या मन्त्रालय, उपचारात्मक महाशाखाका आँखा,नाक कान,घाँटी प्रमुख डा. प्रकाश बुढाथोकीको बिशिष्ट आतिथ्यता, स्वास्थ्य निर्देशनालयका निर्देशक डा. जगदिश जोशीको आतिथ्यता तथा स्वास्थ्य तालिम केन्द्रका निर्देशक नरेन्द्रसिह कार्कीको अध्यक्षता भएको थियो ।
उद्घाटन तथा शुभकामना मन्तब्यमा स्वास्थ्य निर्देशनालयका निर्देशक डा. जगदिश जोशीले सुदुरपश्चिम प्रदेशका हरेक स्वास्थ्यसंस्थाबाट सेवा प्रदान गर्ने गरी तयारी स्वरुप संघीय सरकारबाट हरेक प्रदेशमा तालिम दिन लागीएको बताउनु भयो । प्रदेशले स्वास्थ्यक्षेत्रमा सुचकहरुमा सुधार गरेको र अझ धेरै गर्न लागीपरेको छ । कार्यक्रममा केन्द्रबाट डा. बुढाथोकी नै आएकाले हामीलाई थप उर्जा मिलेको बताउनु भयो ।
बिशिष्ठ अतिथी तथा प्रमुख डा. प्रकाश बुढाथोकीले प्याकेज कार्यक्रमको, बिकासक्रम, उदेश्यका बारेमा तथा अब संबिधानप्रदत्त मौलिक हक आधारभुत स्वास्थ्य सेवा तथा आकस्मिक स्वास्थ्य सेवामा समाहित गरिसकेको तथा त्यसको स्तरीय उपचार पद्धती पनि निर्माण भईसकेकाले अब नेपाल सरकारका हरेक स्वास्थ्यसंस्थाहरुले यी सेवा एकै गुणस्तर र सहजरुपमा दिनुपर्ने, उचित समय र उपयुक्त स्थान तथा बिशेषज्ञ कहाँ प्रेषण गर्नपर्ने बताउनु भयो ।
सरकारबाट ओझेल तथा बिज्ञ अभाव झेलिरहेका उपरोक्त सेवाहरुमा टास्क सिफ्ट र सेयरीङ गर्दै हरेक नेपालीलाई सेवाको पहुँचमा ल्याउन संघीय सरकार र प्याकेजका जन्मदाता डा. बुढाथोकीलाई धन्यबाद दिदै कार्यक्रमको सफलताको शुभकामना दिदै सबै सहभागीलाई तालिमको सदुपयोग गर्न सचिव रीता जोशी ज्युले अनुरोध गर्नु भएको थियो ।
यस्ता रोग, जटिला तथा आर्थिक हानी बढी हुने बिशेषज्ञ सेवाको रोकथाम, आधारभुत उपचार जतिसक्दो छिटो हरेक स्वास्थ्य संस्थामा पुर्याउनु पनि शुभकामना ब्यक्त गर्नु भएको थियो ।
कार्यक्रमका अध्यक्ष तालिम केन्द्रका निर्देशक नरेन्द्रसिह कार्कीले तालिमको फाईदा, प्रशिक्षक सबै बिज्ञ रहेको तथा सोचकर्ता, नीतिनिर्मातामा संलग्न डा. बुढाथोकीको उपस्थितीमा र त्यसको भरपुर उपयोग गर्न र सहभागीहरुको जिम्मेवारीका बारेमा बिस्तृतीकरण गर्नु भएको थियो । यस्ता तालिम नियमित गर्न र संघीयताले खस्काएको स्वास्थ्य सुचक सुधार्न डा. बुढाथोकी जस्ता युवाले नेतृत्व लिन समेत आग्रह गर्नु भयो ।
समापन कार्यक्रमका प्रमुख प्रशिक्षक तथा बिशिष्ठ अतिथी उपचारात्मक सेवा महाशखाका डा. प्रकाश बुढाथोकीले ओझेलमा परेको क्षेत्रलाई सम्बोधन गर्दै शाखा स्थापना भएको र हामी सबै मिलेर यसको विकास र विस्तार गर्नुपर्नेमा जोड दिनु भएको थियो । डा. बुढाथोकीले बिगत २ बर्षदेखी स्थानीय र प्रदेश सरकारलाई सशर्त बजेटका रुपमा कार्यक्रम राखिएकाले त्यो कार्यान्वयन गर्न तथा आफुले पनि बजेटमा पार्न अनुरोध गर्नु भएको थियो । आधारभुत स्वास्थ्य सेवा तथा आकस्मिक स्वास्थ्य सेवामा समाहित भईसकेका बिशेषज्ञ सेवाहरु सरकारको तल्लो स्वास्थ्यसंस्था र स्वास्थ्यकर्मीसम्म पुर्याउन चुनौती भएपनि स्वास्थ्यका सिपाहीहरु दिलोज्यानले लागेमा असंभव केहि नभएको बताउनुभयो ।
तालिम कार्यक्रममा मुख स्वास्थ्यतर्फ केन्द्रका डा. प्रकाश बुढाथोकी र सामाजिक बिकास मन्त्रालयका डा. नरेश जोशी, आँखा स्वास्थ्य तर्फ गेटा अस्पतालबाट डा. रमेश भट्ट र नाक, कान र घाँटी तर्फ सेती प्रादेशिक अस्पतालका डा. अशोक श्रीपाईलीले प्रशिक्षण सहजीकरण गर्नु भएको थियो ।
स्वास्थ्य सेवा बिभाग, उपचारात्मक सेवा महाशाखाले प्रदेश तथा स्थानीय तहका नीति निर्माता, कार्यान्वयन, योजनाकार लाई संबेदनशील बनाउन प्रदेशका स्वास्थ्य निर्देशनालयका निर्देशक, प्रदेश स्वास्थ्य तालिम केन्द्रका निर्देशक, सामाजिक विकास तथा प्रदेश स्वास्थ्य मन्त्रालयका महाशाखा प्रमुखलाई यस अघि पनि अभिमुखीकरण गरिसकेको छ ।
