काठमाडौँ, ३ फागुन २०७८
विश्व कोरोना माहामारीबाट गुज्रिरहेको अवस्थामा नेपालका वरिस्ठ आँँखा सर्जन डा. बेन लिम्बु नेत्तृव टोली हाल पश्चिमी अफ्रिकाको शेरा लियोनमा निशुल्क आँँखा शिविर मार्फत सयौ दृष्टीविहिनहरुका आँँखा सल्यक्रिया गर्न क्रममा सक्रिय हुनुहुन्छ ।
डा. लिम्बु पश्चिमी अफ्रिकाको शेरा लियोनका राष्ट्रिय आँँखा उपचार कार्यक्रमको निमन्त्रणामा २३ माघ २०७८ का दिन फ्रि टाउन पुग्नु भएको थियो ।
शेरा लियोनको कुल जनसंख्या ८२ लाख रहेको र ५० बर्ष माथिका प्रति १०० नागरीक मध्ये ६ जना अन्धोपनको शिकार हुने गरेको स्थानिय तत्थाङकहरुले प्रमाणित गरेको पाइन्छ । हाल सम्म यस देशमा जम्मा ६ जना आँँखा बिषेशज्ञ रहेको देखिएता पनि प्रायले सर्जरी नगर्ने हुदा धेरै बिरामीहरु आँँखा उपचारबाट बञ्चित भएको पाईन्छ ।
विश्वका अन्य मुलूकमा झै अन्धोपनको प्रमुख कारक मोतिबिन्दु रहेको भएता पनि यहाँ शिविरमा आएका अधिकांश बिरामीहरु मोतिबिन्दुको अत्यन्त अन्तिम चरण र जटिल अवस्था लिएर शिविर आईरहेको जानकारी डा. लिम्बुले दिनुभएको छ ।
शेरा लियोनको राजधानी फ्रि टाउनबाट दक्षिण पूर्वमा अवस्थित बो शहरको सरकारी अस्पतालमा हाल ४ दिने नि शुल्क आँँखा शिविर सञ्चालन भइरहेकोमा पहिलो २ दिनमा १८० जनाको सफल मोतिबिन्दुको सर्जरी भइसकेका छ भने सयौ दृष्टीविहिनहरु नयाँ दृष्टी पाउने पर्खाइमा छन् । धेरै बिरामीहरु दुवै आँखा नदेखी लाठीको वा परिवारजनको सहारामा शिविर स्थान वरपर हिडडुल गरिरहेको साथै ती मध्ये धेरै बिरामी युवा उमेर समुहको हुनु दुखद कुरा रहेको वहाँ बताउनु हुन्छ । यस शिविरमा भाग लिन देशको विभिन्न प्रदेश, दुर दराजमा बसोबास ग्रामिण भेगका स्थानिय र केहि संख्यामा सगै रहेको देशहरु लाईबेरीया र गिनिइबाट समेत आँखा बिरामीहरु शिविर सञ्चालन भइरहेको जानकारी आएको पाईन्छ ।
शिविर सञ्चालनले अन्धोपनको स्थायी समाधान नदिने भऐकोले निशुल्क आँँखा शिविर सगैं स्थानिय चिकित्सकहरुलाई सर्जरीको तालिम र सीप हस्तान्तरण गराईने उनको भनाइ छ । निशुल्क आँँखा शिविर सकिए लगतै शेरा लियोनको राजधानी फ्रि टाउनको सरकारी आँँखा अस्पतालमा ३ दिने निशुल्क अकुलोप्लास्टिक सर्जरी गरिने जस अन्तर्गत आशु धेरै बग्ने, आँँखा छाला वरिपरीको समस्या, सानो ठूलो आँँखा, आँँखा क्यानसर लगाएतका समस्याको सर्जरी जानकारी प्राप्त भएको छ ।
डा. लिम्बुले विगत १९ बर्ष देखि नेपालका बिभन्न दुर्गम क्षेत्रहरुमा आँँखा उपचार सेवा प्रदान गर्दै आउनु भएको र अन्तराष्ट्रिय जगतमा पनि पहिले देखि सेवा र योगदान प्रदान गर्दै आइरहेको पाइन्छ । उहाँले यस अघि नै पपुवा न्युगिनी, इन्डोनेशिया र इथियोपियामा समेत आँँखा उपचार तालिम तथा शिविर सञ्चालन गरी सकेको जानकारी दिनु भएको छ ।
शिविरको आयोजना र्र्सिजकल आइ एक्पिडिसन, लोमा लिण्डा युनिर्भिसटी र हिमालयन क्याटाराक्ट प्रोजेक्टको सहयोगमा शेरा लियोनको स्वास्थ्य मन्त्रालय स्थानिय सहयोग र संम्योनयनमा भरहेको हो । डा. बेन लिम्बुको नेतृत्वमा अमेरीकाका डा. जैफ इङ, डा. जोयल स्यान्डी, डा. एन्ड्रु, डा. क्रिस्टिना र नेपालबाट सर्जरी एसिस्टेण्ट रीना लिम्बु सम्मेलित टोलीले आँँखा उपचार प्रदान गरिरहेको जानकारी डा. लिम्बुले बताए।
