काठमाडौं, १५ फागुन २०७९
स्वास्थ्य तथा जनसंख्या मन्त्री पदम गिरीले स्वास्थ्य मन्त्रालयबाट ४२ दिनपछि बाहिरिका छन्।
नेकपा एमालेले सरकार छाड्ने घोषणा गरेको छ। एमालेबाट सरकारको नेतृत्व गर्नुभएको उपप्रधान तथा अर्थमन्त्री विष्णु पौडेलले पत्रकार सम्मेलन गरी सरकार छाड्ने निर्णय सुनाउनुभएको हो।
राष्ट्रपति निर्वाचनका सन्दर्भमा प्रधानमन्त्रीले सहमति तोडेको, पछिल्ला दिनमा एमालेबाट प्रतिनिधित्व गर्ने मन्त्रीहरूलाई अपमान गरेको भन्दै सरकारबाट बाहिरिने निर्णय भएको पौडेलले बताउनुभयो । सरकारलाई दिएको समर्थन पनि एमालेले फिर्ता लिएको छ।
एमाले सांसद गिरी गत माघ ३ गते स्वास्थ्य तथा जनसंख्या मन्त्रीका नियुक्त हुनुभएको थियो । एमालेका तर्फबाट सरकारमा ८ जना मन्त्री सहभागी हुनुहुन्छ।
