धनगढी, ९ पुस २०७९
ह्विलचियर बास्केटवल प्रतियोगिताको उपाधी धनगढीले जितेको छ । स्वास्थ्यका लागी खेलकुद भन्ने नाराका साथ अपागंता भएका ब्यक्तिहरुको लागि आयोजित प्रदेश स्थिरिय ह्विलचियर बास्केटवल प्रतियोगिताको उपाधी धनगढीले जितेको हो ।
प्रादेशिक स्वास्थ्य प्रबद्र्धन केन्द्र सुदूरपश्चिम प्रदेश कञ्चनपुरको आयोजना तथा समावेशी पारा एथलेटिक्स स्पोटर्स क्लव धनगढीको समन्वयमा आयोजित प्रतियोगिताको उपाधी धनगढी बास्केटवल टिमले जितेको हो ।
आज धनगढीमा आयोजित प्रतियोगितामा टिकापुर बास्केटवल टिमले दोश्रो स्थान प्राप्त गरेको छ भने महेन्द्रनगर बास्केटवल टिमले तेश्रो स्थान प्राप्त गरेको छ । प्रथम हुने धनगढी बास्केटवल टिमले नगद २४ हजार सहित प्रमाणपत्र पाएको छ । यस्तै दोश्रो स्थान हासिल गर्न सफल टिकापुर बास्केटवल टिमले १८ हजार नगद सहित प्रमाणपत्र र तेश्रो स्थान प्राप्त गर्न सफल महेन्द्रनगर बास्केटवल टिमले १२ हजार नगद सहित प्रमाणपत्र प्राप्त गरेको छ ।
धनगढीको बाल्मिकि स्कुलमा आयोजित प्रतियोगिताको उद्घाटन प्रदेश खेलकुद परिषद सुदूरपश्चिमका सदस्य सचिव दिपक बहादूर सिहंले गरेका थिए । प्रतियोगिता उद्घाटन गर्दै सिहंले प्रदेश खेलकुद परिषदले गर्नुपर्ने खेलकुद प्रतियोगिता प्रदेशको स्वास्थ्य प्रबद्र्धन केन्द्रले गरेको भन्दै खुशी ब्यक्त गरे । स्वास्थ्यका लागी खेलकुद भन्ने नारा सहित स्वास्थ्य प्रबद्र्धन केन्द्रले गरेको यो प्रतियोगिताले पक्कै अपागंता भएका ब्यक्तीहरुमापनि थप उर्जा बलाउने बताउँदै सिहंले अर्को बर्षदेखी प्रदेश खेलकुद परिषदलेपनि अपाङ्गता भएका ब्यक्तीहरुका लागी कार्यक्रममै खेलकुद प्रतियोगिता राख्ने घोषणा गरे ।
स्वास्थ्य प्रबद्र्धन केन्द्र महेन्द्रनगर कञ्चनपुरका प्रमुख हेमराज खड्काले यो कार्यक्रम अपागंता भएका ब्यक्तीहरुभित्र भएको क्षमता प्रस्फुटनका लागी आयोजना गरेको बताए । अरु ब्यक्तीभन्दा अपागंता भएका ब्यक्तीहरु कम छैनन् उहाँहरुपनि सपागं जस्तै सबै काम गर्न सक्नुहुन्छ, खेलकुदमा सहभागीता जनाउन सक्नुहुन्छ भन्ने शन्देस यस प्रतियोगिताले दिएको खड्काले बताउनु भयो।
कार्यक्रमको समापनमा सुदुरपश्चिम प्रदेशका सचिव दिपक लामिछानेले बोल्दै अपाङ्गताहरुको नसर्ने रोग रोकथाम गर्न, व्यक्तिगत विकास गर्न र स्वास्थ्य प्रवद्र्धनात्मक कार्यक्रम राख्नुपर्ने तथा अगामी वर्ष अपाङ्गताको स्वास्थ्य तथा खेलकुद सम्बन्धी बजेटको व्यवस्था ल्याउनु पर्ने बताउनुभयो।
