काठमाडौं , २८ श्राबण २०७७
स्वास्थ्य तथा जनसंख्या मन्त्रालयले अग्रपंक्ति मा रहेर काम गर्ने सम्पूर्ण डाक्टर, नर्स तथा स्वास्थ्यकर्मीलाई अनिवार्य पीसीआर परीक्षण गरेर मात्रै बिरामीको उपचार गर्न लगाउन सबै अस्पताललाई निर्देशन दिएको छ ।
मन्त्रालयले नेपालमा पछिल्लो समय कोभिड १९ संक्रमण बढ्दै गएको समयमा विभिन्न अस्पतालहरुमा भएका चिकित्सक तथा स्वास्थ्यकर्मीहरुलाई स्वस्थ राखी नियमित स्वास्थ्य सेवाहरु प्रकट हुन नदिने उपाय गर्दै जानु सबै जिम्मेवार निकायहरुको कर्तब्य हो भनि अनुरोध गरेको छ।
त्यसैले चिकित्सक स्वास्थ्यकर्मी संक्रमित हुनुबाट जोगाउनु र संक्रमित चिकित्सक स्वास्थ्यकर्मीबाट सर्वसाधारणलाई संक्रमण हुनबाट जोगाउन सबै फ्रन्टलाइनमा काम गर्ने चिकित्सक र स्वास्थ्यकर्मीहरुको अनिवार्य पिसिआर परीक्षण गरेर मात्रै कामकाजमा लाग्नपर्ने मन्त्रालयका सहप्रवक्ता डा.समिर कुमार अधिकारीले विज्ञप्तिमा जानकारी दिएका छन्।
