काठमाडौं ,५ जेठ
नेपालमा कोरोना सन्क्रमितको संख्या ३०४ पुगेको छ। आज ९ जनामा कोरोना संक्रमण भएको स्वास्थ्य तथा जनसंख्या मन्त्रालयका सहप्रवक्ता डा.समीर कुमार अधिकारीले जानकारी दिएका छ्न ।
डा.अधिकारीका अनुसार सन्क्रमित हुनेमा रौतहट ईशनाथ नगरपालिकास्थिति २१,२१,२३,२५,२५,२९ र ३० उमेरका पुरुषहरु र रौतहटकै माधवनारायण नगरपालिकामा २८ वर्षकि महिला हुनुहुन्छ । त्यस्तै गरेर बारा करैयामाईका ३८ वर्षका पुरुषको कोरोनाको पुष्टि भएको डा.अधिकारीले बताए।
उनिहरुको परिक्षण राष्ट्रिय जनस्वास्थ्य प्रयोगशाला टेकुमा भएको डा.अधिकारीले बताएका छ्न। अहिलेसम्म कोरोनाको लडाइँ जितेर घर फर्किनेको संख्या ३६ पुगेको छ भने मृत्यु हुनेको संख्या २ रहेको छ।
