कैलाली, ११ फागुन २०८१
राष्ट्रिय स्वास्थ्यकर्मी महासंघ नेपाल कैलालीको चौंथो जिल्ला अधिवेशनले बिक्रमबहादुर बोहोराको अध्यक्षता नयाँ कार्यसमिति निर्वाचित गरेको छ ।
शनिबार धनगढीमा सम्पन्न अधिवेशनबाट उपाध्यक्षमा विज्ञान भट्ट, महिला उपाध्यक्षमा सृजना चन्द, सचिव अनिल सिंह, उपसचिवमा सागर बम र कोषाध्यक्ष उमेश भट्ट निर्बिरोध निर्वाचित भएका छन् ।
यस्तैगरी अधिवेशनले सदस्यहरुमा अम्बिका कुमारी कार्की, शान्ति लामा, गोमा रोक्का, कर्ण बहादुर बिष्ट, भुवन शाह, बल बहादुर कठारीया, केशब मास्के, तर्कराज खतिवडा, ईन्द्र चौधरी, लक्ष्मी पौडेल, पुष्पराज खतिवडा र खेम विकलाई निर्बिरोध निर्वाचित गरेको थियो ।
अधिवेशनको उद्घाटन राष्ट्रिय स्वास्थ्यकर्मी महासंघ नेपालका केन्द्रीय उपमहासचिव हिमालय तिवारीको प्रमुख अथितीमा भएको थियो। स्वास्थ्यकर्मीहरुको समस्या र महासंघले गरेका कार्यहरुबारे जानकारी दिदैं जिल्ला समितिहरुले पनि सशक्त ढंगले स्वास्थ्यकर्मीहरुको पक्षमा काम गर्नुपर्ने तिवारीले बताए ।
कार्यक्रममा विशिष्ठ अतिथि एमाले कैलाली अध्यक्ष यज्ञ ढुङ्गाना, एमाले प्रदेश कमिटी सदस्य कर्ण कुँवर, सिद्ध ढुङ्गाना लगायतले सम्मेलन सफलताको शुभकामना दिएका थिए । कार्यक्रम निवर्तमान अध्यक्ष जयकला रावलको अध्यक्षतामा भएको थियो ।
