आयुर्वेद चिकित्सा परिषदमा नयाँ कार्यसमिति अध्यक्षमा डा. ठाकुर र रजिष्टारमा डा. भूसाल

काठमाडौं , ३१ चैत्र २०७७

नेपाल सरकार मन्त्रिपरिषद्को मिति २०७७ चैत १२ को निर्णयअनुसार नेपाल आयुर्वेद चिकित्सा परिषदको नयाँ कार्यसमिति गठन गरिएको छ ।

मंगलबार उक्त समितिको अध्यक्षमा डा. सन्तोष ठाकुर मनोनित हुनुभएको छ भने सो समितिमा डा. मितिलेश कुमार साह, डा. विकास राज घिमिरे, डा. मूण कर्ण थापा, डा. मंगलकान्त झा, डा. उमेश मेहता, डा. अभिषेक ताम्राकार तथा डा. रचना पौडेलज्यूहरु सदस्यमा मनोनित हुनुभएको छ ।

परिषदको रजिष्ट्रारमा डा. निर्मल भूसाललाई नियुक्त गरिएको छ । यस समितिको पदावधि चार वर्षको कायम हुने गरी गठन गरिएको छ ।