काठमाडौं,१५ चैत ।
कोरोनाको पाचौ संक्रमित बाग्लुङकी १९ वर्षकी महिला रहनुभएको छ । उहाँ र दोस्रो संक्रमित एउटै विमान मार्फत काठमाडौं आउनुभएको हो । दोस्रो संक्रमित फान्सबाट कतार हुँदै नेपाल आउनुभएको थियो । नेपाल टेलिभिजन मार्फत स्वास्थ्य तथा जनसंख्या मन्त्रालयले गरेको नियमित ब्रिफिङ कार्यक्रममा प्रवक्ता डा. विकास देवकोटाले पाचौ संक्रमितको बारेमा जानकारी दिनुभएको हो । बेल्जियमबाट कतार हुँदै चैत ४ गते नेपाल आउनुभएकी १९ वर्षकी महिलालाई कोरोना पोजेटिभ देखिएको जानकारी दिनुभयो । उहाँ कतार एयरको QR652 विमानमा आउनुभएको थियो ।
उहाँ उपत्यका बाहिर चिकित्सकको सम्पर्कमा रहनुभएको प्रवक्ता डा.बिकास देवकोटाले जानकारी दिनुभयो । संक्रमितको विवरण लिन सुरु भइसकेको छ देवकोटाले भन्नुभयो । यो संगै नेपालमा संक्रमितको संख्या पाँच पुगेको छ । २ जना संक्रमित शहिद शुक्रराज ट्रपिकल तथा सरुवा रोग अस्पताल टेकुमा उपचाररत हुनुन्छ भने १ जना धनगढीमा उपचाररत हुनुन्छ ।
