काठमाडौं, १२ चैत २०८१
सहिद गंगालाल राष्ट्रिय हृदय रोग केन्द्रमा मुटुलाई नरोकी हार्ट अट्याकको BYPASS अपरेशन, OFF –Pump पद्दतिबाट गराउनेको संख्या दिनप्रतिदिन बढ्दै गएको छ।
५० जना भन्दा बढीको यस प्रविधि र पद्धतिबाट सफल उपचार गरिसकेकोले हामीपनि सक्षम र स्थापित भएको महसुस गरेका छौ। – डा. विश्व पोखरेल
मुटुलाई नरोकिन गरिने हर्टट्याकको बाइपास सर्जरी शुरु भएको केही महिनामै ५० जना भन्दामाथिको सफल शल्यक्रिया भइसकेपछी चिकित्सकहरु उत्साहित र मनोबल बढेको बताउछन् ।
भारतमा ९५% भन्दा बढीको यसै पद्धतिबाट बाइपास सर्जरी हुने गरेको छ। यो पद्धतिबाट अप्रेसन गर्दा धेरै सस्तो पर्ने हुनाले भारत लगायत न्यून बिकसित देशहरूमा यश प्रविधिबाट सर्जरी गर्ने गरिन्छ। नेपालमा पुरानो भन्दा यो पद्धतिबाट गर्दा प्रत्यक बिरामीलाई रु.१ देखि डेढ लाख सम्म सस्तो हुने गर्द्छ।
अहिलेको नेपालको आर्थिक परिस्थितिलाई हेर्दा यो पद्धति आर्थिक हिसाबले पनि उपयुक्त देखिन्छ। संसारभरि नै यो पद्दतिबाट अप्रेसन गर्न कठिन काम मानिन्छ। अनुभबी चिकित्सकको सटिक सिलाईबाट मात्र राम्रो नतिजा दिन सकिन्छ।
यो पद्धतिबाट अप्रेसन गर्दा बिरामीलाई सहज अनि डिस्चार्ज पनि छिटो हुने हुँदा धेरै बिरामीले यो पद्धति द्वारा अप्रेसन गराउन इच्छुक देखिएका छन् । यो पद्धति पैसाको हिसाबले सस्तो, बिरामीलाई पनि सजिलो र अस्पतालको बसाइँ पनि कम हुने हुँदा हालै आएर धेरै बिरामीहरु आकर्षित भएको अस्पतालका वरिष्ठ कार्डियाक सर्जन डा. विश्व पोखरेलले बताउनुभयो ।
केही समय अगाडि मात्र शुरु गरेको यो पद्धति द्वारा अप्रेसन गरिएका बिरामीहरुको तथ्यांक संकलन गर्ने कार्य भैरहेको छ। प्रारम्भिक तथ्यांक अनुसार ५४ जना मध्ये ३३ जना पुरुष र २१ महिला छ्न। उमेरको हिसाबले ४१ देखि ७९ वर्ष सम्मका रहेका छन् । यी मध्ये Left Main disease २६ जनामा, TVD जनामा ३५ जनामा, DVD जनामा १२ जनामा र SVD ७ जनामा रहेका थिए। २३ जना बिरामीको मुटु धेरै कमजोर थियो र ५ जनाको किड्नीमा समस्या थियो। यी बिरामीहरुलाई १ देखि ५ ओटा सम्म बाइपास ग्राप्ट हालिएको थियो। यस्तो खालको surgery मुख्य नली बन्द भएको (Left main disease) , धेरै कमजोर मुटु, किड्नी बिग्रिएको, नयाँ Heart attack, उमेर धेरै भएका जस्ता बिरामीलाई प्रत्यक्ष फाइदा हुन्छ।
कम खर्चकै कारणले बर्षेनी हजारौ नेपालीहरु यही सर्जरी गराउन भारत जाने गरेको तथ्यांक छ। अब यो अप्रेसनको लागि भारत गइराख्नु पर्दैन। अब यही नेपालमा पनि उत्तिकै राम्रो नतिजा र भारत भन्दा सस्तोमा सर्जरी गराउन सकिन्छ। साथै नेपाल सरकारले बिमाको सुबिधा दिएको छ, बिपन्न वर्गले रु १ लाखको सहुलियत पाउनु हुन्छ । आफ्नै देशमा, आफ्नै अस्पतालमा, घर नजिकै बसेर उपचार गराउन सकिने डा. पोखरेलले बताउनुभयो ।
