काठमाडौं, २१ चैत २०८१
कान्तिपुर डेन्टल कलेज एण्ड रिसर्च सेन्टर बसुन्धरा र भारतको GSL एजुकेशनल स्टीट्युसनको संयुक्त आयोजनामा हेड एण्ड नेक अन्कोलोजी उइथ एस्थेटिक सम्मेलन चैत २२ र २३ गते हुने भएको छ।
लाजिम्पाटस्थित होटेल रेडिसनमा नेपाल, भारत, श्रीलंका र उज्वेकिस्तान लगायतका देशहरुबाट चिकित्सकहरुले सहभागिता जनाउने भएका छन् ।
यो सम्मेलनमा टाउको, मुख र घाँटी क्षेत्रमा क्यान्सर, त्यसका कारक तत्त्व र विभिन्न नयाँ उपचार पद्धतिहरुको बिचार बिमर्श गरिनेछ। क्यान्सर भएका बिरामीहरुको उपचार पछिका अनुहारको आकृति बारेमा विशेष ज्ञान् सीप र अनुभवहरुको अदान प्रदान हुनेछ। दुई दिन सम चल्ने कार्यक्रममा स्वदेशी तथा बिदेशी ३५ भन्दा बढी चिकित्सकले आफ्नो प्रस्तुतिकरण राख्ने भएका छन् ।