काठमाडौं , १६ असार
पछिल्लो २४ घण्टामा नेपालमा थप ३१६ जनामा कोरोना संक्रमण पुष्टि भएको छ।
स्वास्थ्य तथा जनसंख्या मन्त्रालयद्वारा मंगलवार आयोजित नियमित पत्रकार सम्मेलनमा उक्त जानकारी दिइएको हो। योसँगै नेपालमा संक्रमितको संख्या १३ हजार ५६४ पुगेको छ।
संक्रमितमध्ये ३ हजार १ सय ९४ जना निको भएर घर फर्किएको स्वास्थ्य मन्त्रालयका प्रवक्ता डा. जागेश्वर गौतमले जानकारी दिए।
पछिल्लो २४ घण्टामा ६० जना कोरोना संक्रमणमुक्त भएर डिस्चार्ज भएको प्रवक्ता डा. गौतमले बताए।
