काठमाडौं, ६ माघ २०७९
नेपाल चिकित्सक संघको नयाँ कार्यसमितिका लागि भएको मतदानको पहिलो दिन काठमाडौं उपत्यकाबाहिर एक हजार आठ सय ७८ मत खसेको छ। शुक्रबार काठमाडौं उपत्यका बाहिरका १६ स्थानमा मतदान भएको थियो भने भोलि शनिबार पनि बिहान ९ बजे देखि मतदान हुँदैछ।
चिकित्सक संघ निर्वाचन कमिटीलाई साँझ ७ बजेसम्म प्राप्त मत विवरण अनुसार सबैभन्दा धेरै कोशीमा २ सय ९१ मत खसेको छ भने सबैभन्दा कम जुम्लामा २२ मत खसेको छ।
कुन क्षेत्रमा मत खस्यो ?
निर्वाचन समितिले दिएको जानकारी अनुसार भेरीमा ९८, चितवनमा २६०, दाङमा ४६, धरानमा १७२, गण्डकी २००, जनकपुरमा १५७, जुम्लामा २२, कोशीमा २९१, लहानमा २०, लुम्बिनीमा १३७, मेचीमा ९१, नारायणीमा २०२, पाल्पामा ३४, सगरमाथामा ४०, सेतीमा ७३ र सुर्खेतमा ३५ मत खसेको छ।
काठमाडौं बाहिर शुक्रबार र शनिबार मतदान हुने छ भने काठमाडौं भित्र यही १९, २० र २१ गते मतदान हुँदैछ।
एक अध्यक्ष, एक वरिष्ठ उपाध्यक्ष, सात उपाध्यक्ष (प्रदेश संयोजक) एक महासचिव, एक सहसचिव, एक कोषाध्यक्ष, एक सहकोषाध्यक्षसहित १९ पदमध्ये एक वरिष्ठ उपाध्यक्ष, तीन उपाध्यक्ष, एक कोषाध्यक्ष, एक सहसचिव, एक सहकोषाध्यक्ष सहित ७ जना निर्विरोध निर्वाचित भइसकेका छन् भने अध्यक्षसहित १२ पदका लागि निर्वाचन हुँदैछ।
निर्वाचनमा डा. अनिलबिक्रम कार्कीको नेतृत्वमा लोकतान्त्रिक समूह, डा. सन्तोष पौडेलको अध्यक्षतामा पेशागत समावेशी समूह र डा. शिवजी शिलवालको नेतृत्वमा स्वतन्त्र समूह गरी तीन वटा प्यानल चुनावमा होमिएको छ।
यी हुन् उपत्यका बाहिरका मतदान केन्द्र
१) नेपाल चिकित्सक संघ, मेचि शाखाको मतदान केन्द्रः
२०७९ माघ ६ गतेः सञ्जीवनी मुटु अस्पताल बिर्तामोड ६ गते
२०७९ माघ ७ गते – लाइफलाइन अस्पताल दमक
क्षेत्र:- ताप्लेजुङ, पाँचथर, इलाम र झापा जिल्लामा कार्यरत सम्पूर्ण सदस्यहरु,
२) नेपाल चिकित्सक संघ कोशी शाखाको मतदान केन्द्रः
नेपाल चिकित्सक संघ, कोशी शाखा कार्यालय शनिहाट, बिराटनगर
क्षेत्रः- भोजपुर र मोरङ जिल्लामा कार्यरत सम्पूर्ण सदस्यहरु।
३) नेपाल चिकित्सक संघ धरान शाखाको मतदान केन्द्रः
नेपाल चिकित्सक संघको भवन, बिपी कोईराला स्वास्थ्य विज्ञान प्रतिष्ठान धरान
क्षेत्र:- बि.पी. कोईराला स्वास्थ्य विज्ञान प्रतिष्ठान, संखुवासभा, तेह्रथुम, सुनसरी तथा धनकुटा जिल्लामा कार्यरत सम्पूर्ण सदस्यहरु।
४) नेपाल चिकित्सक संघ सगरमाथा शाखाको मतदान केन्द्रः गजेन्द्रनारायण सिंह सगरमाथा अस्पताल, राजविराज
क्षेत्र:- सप्तरी जिल्लामा कार्यरत सम्पूर्ण सदस्यहरु
५) नेपाल चिकित्सक संघ लहान शाखाको मतदान केन्द्र: सप्तरिषी अस्पताल लाहान
क्षेत्र:- सोलुखुम्बु, ओखलढुंगा, खोटाङ, उदयपुर र सिराहा जिल्लामा कार्यरत सम्पूर्ण सदस्यहरु
६) नेपाल चिकित्सक संघ जनकपूर शाखाको मतदान केन्द्रः जनकपुर प्रादेशिक अस्पताल, धनुषा
क्षेत्र:- धनुषा, महोत्तरी, सर्लाही पूर्व र सिन्धुली जिल्लामा कार्यरत सम्पूर्ण सदस्यहरु
७)नेपाल चिकित्सक संघ नारायणी शाखाको मतदान केन्द्र: नेपाल चिकित्सक संघ, विरगञ्जको सभाहल
क्षेत्र:-बारा, पर्सा, मकवानपुर, रौतहट र सर्लाही पश्चिममा कार्यरत सम्पूर्ण सदस्यहरु
८) नेपाल चिकित्सक संघ चितवन शाखाको मतदान केन्द्र : भरतपुर अस्पतालको तालिम हल
क्षेत्र:- मकवानपुर, नवलपुर, गोरखा चितवन जिल्लामा कार्यरत सम्पूर्ण सदस्यहरु।
९) नेपाल चिकित्सक संघ गण्डकी शाखाको मतदान केन्द्र : पश्चिमाञ्चल क्षेत्रीय अस्पताल, पोखरा स्वास्थ्य विज्ञान प्रतिष्ठान (अस्पतालको सभाकक्ष) कास्की, पोखरा
क्षेत्र:- बाग्लुङ, कास्की, लमजुङ, मनाङ, मुस्ताङ, म्याग्दी, स्याङ्जा, पर्वत र तनहुँ जिल्लामा कार्यरत सम्पूर्ण सदस्यहरु।
१०) नेपाल चिकित्सक संघ लुम्बिनी शाखाको मतदान केन्द्रः नेपाल चिकित्सक संघ लुम्बिनी अन्चल शाखा भवन बुटबल
क्षेत्र. -अर्घाखाँची, रुपन्देही, कपिलवस्तु, नवलपरासी जिल्लामा कार्यरत सम्पूर्ण सदस्यहरु।
११) नेपाल चिकित्सक संघ भेरी शाखाको मतदान केन्द्र : नेपाल चिकित्सक संघ, भेरी शाखा
क्षेत्र: बाँके र बर्दिया जिल्लामा कार्यरत सम्पूर्ण सदस्यहरु।
१२) नेपाल चिकित्सक संघ सेती शाखाको मतदान केन्द्रः सेती प्रादेशिक अस्पताल, धनगढी
क्षेत्र:- सुदुरपश्चिम प्रदेशका (९ वटा जिल्ला) सम्पूर्ण जिल्लामा कार्यरत सम्पूर्ण सदस्यहरु।
१३) नेपाल चिकित्सक संघ सुर्खेत शाखाको मतदान केन्द्र: सुर्खेत प्रादेशिक अस्पताल, सुर्खेत
क्षेत्रः- सुर्खेत, कालिकोट र जाजरकोट जिल्लामा कार्यरत सम्पूर्ण सदस्यहरु।
१४) नेपाल चिकित्सक संघ, दाङ शाखाको मतदान केन्द्र: राप्ती प्रादेशिक अस्पताल, तुल्सीपुर दाङ प्रशासनिक कक्ष
क्षेत्र. – दाङ, सल्यान, रुकुम, रोल्पा र प्यूठान जिल्लामा कार्यरत सम्पूर्ण सदस्यहरु।
१५) नेपाल चिकित्सक संघ जुम्ला शाखाको मतदान केन्द्रः
कर्णाली स्वास्थ्य विज्ञान प्रतिष्ठानको सभाकक्ष जुम्ला।
क्षेत्रः- दैलेख, डोल्पा, हुम्ला, जुम्लामा कार्यरत सम्पूर्ण सदस्यहरु।
१६) नेपाल चिकित्सक संघ पाल्पा शाखाको केन्द्र: लुम्बिनी मेडिकल कलेज पाल्पा।
क्षेत्र:- गुल्मी र पाल्पा जिल्लामा कार्यरत सम्पूर्ण सदस्यहरु।
