माेरङ, १३ फागुन २०८०
कोसी अस्पतालमा नयाँ जनशक्ति भर्ना प्रक्रियागत रुपमा हुँदै आएको छ।
हाल ३ महिने करारका लागि नयाँ जनशक्ति भर्ना प्रक्रिया अघि बढेको छ। अहिले विज्ञापन मात्र खोलिएको र विगतमा यसप्रकारको विज्ञापन नखोली भर्ना गर्ने गरेको हुँदा त्यसलाई चिर्दै सार्वजनिक रुपमा आवेदन माग गरेको अस्पतालका मेडिकल सुपरिन्टेन्डेन्ट डा. चन्द्र भाल झाले बताउनु भयो।
डा. झाले आवेदन भर्ना ३ महिनाको करारका लागि खोलिएको हो। उनले भने, ‘करारका लागि नयाँ भर्ना हुने भएकोले सीमित सिटमा अन्तवार्ता मात्र राखिएको छ। यो करारको भएको हुदाँ लिखितै हुनपर्छ भन्ने बाध्यत्मक छैन। हामीसंग अहिले प्रशासनिक जनशक्तिको कमी र समय अभाव भएको हुदाँ केही ठूला सिटलाई सोझै अन्र्तवार्ताबाट चयन गर्नेेतर्फ केन्द्रित भएका हौ।’
अस्पतालको सेवालाई थप गुणस्तरीय बनाउनका लागि काम गर्ने क्रममा केहीले भर्ना प्रक्रियालाई अतिरञ्जित बनाउने प्रयास गरिरहेको उनको आरोप छ। उनले भने, ‘हामीले प्रक्रिया पुराएर काम गरिरहेकाछौ। तर अस्पतालमा हैकम जमाउन खोज्ने पुराना मानसिकता भएकाहरुको केही सीमित ब्यक्तिको स्वार्थले भ्रम फैलाइएको छ। स साना त्रुटिलाई अतिरञ्जिन गरिरहकाछन्। हामीले कुनै दरबन्दी लुकाएका छैनौ।’
नयाँ भर्नाको सन्दर्भमा तत्कालिन मेसु डा. गुणराज लोहनीको ५ महिनाको कार्यकालमा सार्वजनिक रुपमा दरबन्दी आव्हान गरिएको अस्पताल प्रशासनले जनाएको छ। त्यसयता अस्पताल विकास समितिले सार्वजनिक रुपमा आव्हान गरि जनशक्ति माग गरेको छैन।
मेसु डा. झा भन्छन्, ‘यसअघि डा. लोहनी सरको समयमा दरबन्दी सार्वजनिक रुपमा माग गरिएको रहेछ। अहिले हामी गर्दैछौ।’
डा. झाले भने, ‘यस दरबन्दीबाट फोरेन्सिकतर्फका लागि मेडिकल अफिसर राख्ने छौ। यहाँ आकस्मीक वार्ड, पोष्टमार्टमतर्फ चाप बढ्दो छ। पोष्टमार्टमका लागि डाक्टरको दरबन्दी छैन। हामी त्यहाँ समेत मेडिकल अफिसरको रुपमा फोरेन्सिक डाक्टर राखेर कामलाई गति दिन केन्द्रीत छौ।’
अस्पतालले हाल नर्सिङ अधिकृत १, स्टाफ नर्स ३०, मेडिकल अधिकृत १०, बायो मेडिकल टेक्निसियन २, फार्मेसी सहायक ७ जनाको लागि आवेदन माग गरेको थियो।
त्यसैगरी, अस्पताल विकास समितिका सदस्य हरि भट्टराईले केही सीमित ठूला चिकित्सकको हैकमवादले अस्पतालको गरिमा गुम्दै गएको बताए। नयाँ आउने जनशक्तिलाई काम गर्न खलल पुराउने, आफ्नो मन परेका चिकित्सकलाई अघि बढाउने हुदाँ समस्या देखिएको सदस्य भटटराईले उल्लेख गरे। पछिल्लोसमय अस्पताल सुधार गर्दै मितब्ययिता अपनाउन इन्धन खर्च कटौति गरिएको उनले बताए। उनले भने, अघिल्ला पदाधिकारीले के कसो गरि काम गर्नुभयो हामीले चासो लिएनौ। तर, अब हामी प्रदेशकै प्रतिष्ठाको रुपमा रहेको यस अस्पताललाई सुधार गर्नेछौ। अस्पताल सुधारमा सबैको सहयोग आवश्यक छ।
उनले विगतमा अस्पतालको नाममा वितरण हुदै आएको मासिक करिब २ हजार ५ सय लिटर पेट्रोलसमेत कटोति गरिएको बताए।
उनले भने, ‘अस्पताल सुधार भन्दापनि विगतमा यहाँबाट फाइदा लिने अवसर खोजिदै आएको रहेछ। त्यसलाई चिर्न हामीले पेट्रोल वितरण मासिक ५ सय हाराहारीमा सीमित गरेकाछौ। केहीलाई यसले समस्या पारेको हुनसक्छ। तर, यो कटौतिको कदम अस्पतालको मितब्ययिताको लागि आवश्यक छ।
