काठमाडौँ, ५ पुष २०८०
काठमाडौँ उपत्यकाको तापक्रम दैनिक रुपमा घट्दै गएको छ । काठमाडौँमा आज यस वर्षको अहिलेसम्मकै सबैभन्दा कम तापक्रम मापन भएको छ ।
बुधबार काठमाडौँको न्यूनतम तापक्रम ५ डिग्री सेल्सियस थियो भने आज बिहानको न्यूनतम तापक्रम ४ दशमलव ५ डिग्री सेल्सियस मापन भएको मौसमविद् रोजन लामिछानेले बताउनु भयो । लामीछानेले भने, काठमाडौँमा आज सबैभन्दा कम तापक्रम मापन भएको छ। यो अहिलेसम्मकै कम तापक्रम र अझै पनि घट्ने सम्भावना रहेको छ ।
काठमाडौँ उपत्यकाको आज बिहान ५ः४५ बजे ४ दशमलव ८ डिग्री सेल्सियस मापन गरिएको न्यूनतम तापक्रम ८ः४५ बजे घटेर ४ दशमलव ५ डिग्री सेल्सियस कायम भएको मौसम पूर्वानुमान महाशाखाले जनाएको छ ।
