काठमाडाैं, १४ फागुन २०८०
डडेल्धुरामा भएको निशुल्क शिविरबाट रेफर भएर आएका २० बिरामीको काठमाडौं मेडिकल कलेज सिनामंगलमा निःशुल्क शल्यक्रिया भएको छ ।
काँग्रेस नेता समेत रहेका डा. सुनिल शर्माको सहयोगमा माघ २५ गते डडेल्धुरा अस्पतालमा गरिएको निःशुल्क स्वास्थ्य शिविरवाट रेफर भएका बिरामीको उपचार तथा शल्यक्रिया भइरहेको हो।
मेडिकल कलेजले २० जना बिरामीकोे उपचार र शल्यक्रिया निःशुल्क गरेको नेविसंघ केन्द्रीय सदस्य ई.भुवन भट्टले बताए । शिविरबाट थप उपचार तथा शल्यक्रियाका लागि रेफर गरिएका बिरामिको निःशुल्क उपचारका लागि सहयोग र समन्वय नेविसंघ डडेल्धुराका सभापति पवन ऐर र सदस्य भट्टले गरिरहेका छन्।
दुर्गम गाउँका जनतालाई स्वास्थ चेकजाँचका लागि केही राहत होस् र पैसा नभएका कारण कोहि पनि उपचारबाट वञ्चिन हुन नपरोस् भन्ने हेतुले सहयोग गरिरहेको डा. सुनिल शर्माले बताउनु भयो।
डा. शर्माले दुर्गम ठाउँमा निःशुल्क स्वास्थ्य शिविर चलाइरहेको र त्यहाँबाट रेफर भएका बिरामीको उपचार तथा शल्यक्रिया गर्ने व्यवस्था मिलाएको उनले बताए । उनले भने, ‘राजनीतिलाई समाजसेवा र नितान्त जनसेवामा केन्द्रीत गराउनुपर्छ भन्ने मेरो उद्देश्य हो । गाउँका जनतालाई केन्द्रमा राखेर राज्यले नीति बनाउनुपर्छ’ ।
