धादिङ, १९ चैत २०८१
धादिङको गल्छी गाउँपालिकाले आयोजना गरेको घुम्ती शिविरबाट १६ सय ६५ जना लाभान्वित भएका छन् ।
यही चैत १३ देखि १५ गते सम्म चलेको उक्त शिविरबाट बिरामीहरुले सेवा लिएको गल्छी गाउँपालिकाका प्रमुख प्रशाशकीय अधिकृत नविन गन्तांग लामाले जानकारी दिनु भयो ।
गल्छी गाउँपालिकाको वडा न. ६ महेश दोभान परिसरमा १३ र १४ गते संञ्चालन भएको निशुल्क शिविरमा १ हजार ६ जना र १५ गते वडा न. ५ को वैरेनी आयुर्वेद औषधालयमा भएको शिविरमा ६ सय ५९ जनाले निशुल्क सेवा लिएको लामाले बताउनु भयो। 
निशुल्क शिविरमा स्त्री तथा प्रसुती रोग, दन्त रोग, आँखा रोग समान्य शल्यक्रिया, नाक कान घाँटी रोग, मधुमेह र उच्चरक्तचाप लगायतका रोगहरुको उपचार भएको थियो।
धुलिखेल अस्पतालबाट चिकित्सक, जर्मन नेपाल सहयोग, चाबहिल डेन्टल हस्पिटल, नेपाल नेत्रज्योति संघ र बिकासका लागि एकता जस्ता संस्थाहरुको सहयोगमा उक्त शिविर भएको वैरेनी आयुर्वेद अस्पतालका प्रमुख नारायण पौडेलले बताउनु भयो।
उक्त निशुल्क शिविरबाट बिरामीहरुलाई निशुल्क औषधि बितरण गरिनुका साथै उक्त संस्थाहरु सङ्ग सधैं हातेमालो गरेर अगाडि बढ्नुपर्ने गल्छी गाउँपालिकाका अध्यक्ष केदारनाथ खतिवडाले बताउनु भयो।
