सिन्धुपाल्चोक, २१ माघ २०७९
धादिङ अस्पतालबाट सरुवा भएर चौतारा अस्पतालको मेडिकल सुपरिटेन्डेन्टको नेतृत्व सम्हाल्न पुगेका डा. त्रिभुवन चन्द्र झाको उत्कृष्ट कामबाट अस्पतालको मुहार फेरिदै गएको गएको छ।
डा. झाको नेतृत्वमा धादिङ अस्पतालमा विभिन्न सेवा सुविधाहरु थप्दै आइसियु समेत सञ्चालन गरि १५ बेडबाट ५० बेडको अस्पतालमा परिष्कृत गर्दै उत्कृष्ट उचाईमा पुर्याएर बिगत १० महिना अगाडि उहाँलाई सरुवा गरिएको थियो।
२०७२ को भुकम्प पछि पानी, बिजुली, लगायत सम्झौताका केही बुँदाहरूमा विभिन्न बाधा अवरोधको कारण अस्पतालको निर्माण कार्य अगाडि बढ्न नसक्ने अवस्था थियो। नेपाल चाइना हेवइ प्रोजेक्टलाई सहजीकरण गर्दै भाद्र २०७९ देखि तीन तलाको भवन निर्माण कार्य शुरु गरी द्रुत गतिमा अगाडि बढिरहेको छ। जुन निर्माण कार्य फेब्रुअरी १० मा पहिलो तला ढलान कार्य सम्पन्न हुदैछ भने पूर्ण रुपमा भवन एक वर्ष भित्र निर्माण भइसक्ने मेसु डा. झाले जानकारी दिए।
निर्माण स्थलमा भएको अक्सिजन प्लान्टलाई सारेर स्थानान्तरण गर्ने कामको साथमा अप्रेसन थ्रिएटर जाने बाटोको निर्माणको साथ विभिन्न विकासका कामहरु अगाडि बढेको छ चौतारा अस्पतालमा ।
सिन्धुपाल्चोक जिल्लाका बिरामीहरुलाई घाम र पानीमा उभिएर टिकट काट्नुपर्ने र बिरामी जचाउँदा लामो समयसम्म उभिनुपर्ने बाध्यता भोग्नुपरेको समस्यालाई बुझेर बिरामीको प्रतिक्षालय निर्माण गरिएको डा. झाले बताए।
हाल अस्पतालमा अस्पताल परिसरमा पस्न बित्तिकै बिरामीको सुविधा र सुरक्षा लाई ध्यानमा राखी सुविधासम्पन्न क्यास काउन्टरको व्यवस्था गरिएको र सुरक्षा गार्डको भवनको निर्माण गरिएको छ।
समान्य सोडियम, पोटासियम, PT/ INR, APTT, KOH ग्राम स्टेन जस्ता जाँचहरुको सुविधा नभएको अवस्था थियो भने हाल उक्त जाँचहरु सहज तरिकाले भइरहेको छ।
त्यस्तैगरी ल्याब विभागमा विशेष प्रकारको जाँचहरु जस्तै थाइरोइड फक्सन जाँच, भिटामिन डी, हर्मोन सम्बधित जाँचहरुको पनि शुरुवात भएको छ।
अस्पतालमा पहिलो चोटी एकैपटकमा बाल रोग, स्त्री रोग, इमरजेन्सीमा मेडिसिन र सर्जरी जस्ता विशेषज्ञ सेवाहरु प्रदान गर्न सुरुवात गरिएको छ। हालमा दुईटा अप्रेसन थ्रिएटर सञ्चालनमा ल्याउनको साथै आइसियूको पनि स्थापना गरिएको छ।
प्राकृतिक प्रकोप भएको अवस्थामा अस्पताललाई चुस्तदुरुस्त तयारी अवस्थामा राख्नको लागि हस्पिटल इमरजेन्सी प्रिपेयरडनेस प्लानको तयारी गरी अस्पतालका सम्पुर्ण कर्मचारीहरुलाई अभिमुखीकरण गरी अरेन्ज कोड लागु गरिएको छ भने अस्पतालमा बेसिक लाईफ सपोर्ट, प्राइमरी ट्रमा केयर , कोड ब्लू , इमरजेन्सी स्वास्थ्य सेवाको अभिमुखीकरण गरी क्षमता अभिवृद्धिको कार्यक्रमहरु अगाडि बढाएको छ।
अस्पतालमा disaster स्टोरको व्यवस्था गरिएको छ भने हाउस किपिङ विभाग पनि स्थापना गरिएको छ।
अस्पतालका डाक्टर, नर्स लगायत सम्पूर्ण स्वास्थ्यकर्मीलाई अध्ययन गर्नको लागि पुस्तकालय कक्ष पनि स्थापना गरिएको छ। यसमा थप पुस्तक तथा अन्य सुविधाहरु थपिदिए लाने बताउनुभयो।
त्यस्तैगरी अस्पतालमा भएका बहुमुल्य उपकरणमा केही समस्या आइ समानलाई थन्क्याउनु पर्ने अवस्थाको अन्त्य गर्न लागि बायुमेडिकल टेक्निसियन सहितको बायोमेडिकल विभागको पनि शुरुवात गरिएको छ जुन हरेक अस्पतालमा आवश्यक रहेको पनि उनले बताए ।
अस्पतालको डाटा रेकर्डलाई चुस्त दुरुस्त राख्नको लागि इलेक्ट्रोनिक मेडिकल रेकर्ड सिस्टमलाई लागु गरि इन्ट्री काउण्टरको स्थापना गरी नेपाल सरकारको एचएमआइस प्रणालीमा दैनिक सत प्रतिशत रिपोर्टङ शुरु भएको छ।
फार्मेसीबाट बिरामीलाई सहज तरिकाले लागि श-सुल्क र निशुल्क औषधी पाउन छुटाछुटै काउण्टरको व्यवस्था गरिएको छ भने पहिला औषधिमा पाइने ५% छुटलाई बढाएर ८ प्रतिशतसम्म छुटको व्यवस्था सशुल्क औषधिहरूमा गरिएको छ।
सामाजिक सेवा एकाइ सहायता कक्षको स्थापना गरि सामाजिक सेवा तथा जेष्ठ नागरिक कार्यक्रम यो वर्षदेखि अस्पतालमा लागू गरिएको छ । यसबाट अति गरिब, असाहाय, अपाङ्गता भएका व्यक्तिहरुको महिला स्वयंसेविकाहरु लगायत लक्षित समूहले सेवा प्राप्त गर्दैछन्। त्यस्तैगरी जेष्ठ नागरिकहरूले पनि नेपाल सरकारले तोके बमोजिमको छुट सुविधा प्राप्त गर्नेछन्।
अस्पतालजन्य फोहोरमैला व्यवस्थापनको लागि सोलीड तथा लिक्वेड waste व्यवस्थापनको लागि छुट्टा छुट्टै फोहरमैला व्यवस्थापन कक्ष बाट व्यवस्थापन सुरु गरिएको छ।
मासिक रुपमा सम्पुर्ण विभागका कर्मचारीहरु एकै ठाउँमा बसी डाटा भेरिफेक्सन कार्यक्रम सुरवात गरेको छ जसले गर्दा अस्पतालको इन्डिकेटरहरु सुधारको प्रयासमा राम्रो योग्दान पुगेको छ भने अब आउने दिनमा डाटाको क्वालिटीमा अझ राम्रो सुधार हुने विश्वास गर्न सकिन्छ। हाल पहिलोचोटि अस्पतालको आफ्नै निजी क्याटिनको निर्माण अन्तिम चरणमा पुगेको छ।
पोष्टमार्टम भवनलाई अझै परिस्कृत गर्दै changing room, storeroom , freezer room को साथमा थप औजार उपकरण सहित सुविधा सम्पन्न बनाइएको छ। सिन्धुपाल्चोकका बासिन्दाहरूले अब आफ्नै जिल्लामा उपचार सेवा पाउने भएर खुशी व्यक्त गरेका छन्। यो भन्दा पहिले यी सेवाहरूमा पाउन पनि धुलिखेल र काठमाडौं आउनुपर्ने अवस्था थियो।
