काठमाडौं, १४ बैशाख २०७९
नेपालमा पेडियाट्रिक पल्मोनोलोजी र इन्टेन्सिभ केयरमा डा. जगत जीवन घिमिरे डिएम गर्ने पहिलो व्यक्ति बनेका छन्।
डा. घिमिरेले भारतको एम्स अस्पतालबाट पेडियाट्रिक पल्मोनोलोजी र इन्टेन्सिभ केयरमा डिएम गरेका हुन्।
उहाँले एमबिबिएस बंगलादेश र एमडि त्रिवि शिक्षण अस्पताल महाराजगन्जबाट गरेका थिए।
डिएमको तीन वर्षे कोर्ष सकेर हाल कान्ति बाल अस्पतालमा कार्यरत डा. घिमिरेले छाती सम्बन्धि सेवाहरू दिँदै आएका छन्। हप्तामा दुई दिन सोमबार र बिहीबार ओपिडी सेवा भइरहेको छ।
अस्पतालमा आफु पेडियाट्रिक आइसियुका साथसाथै पल्मोनरी सेवा जसमा छाती सम्बन्धि तथा स्वासप्रस्वास सम्बन्धि सेवा दिँदै आएको डा. घिमिरेले बताए।
बच्चाहरूको सासको नली तथा फोक्सोमा के कस्तो समस्या छ भनेर त्यसको जाँच गर्ने विधिलाई ब्रोन्सोकोपी भनिन्छ। जुन ब्रोनस्कोपी एकदमै राम्रो तरिकाले स्थापित हुन सकेको छैन्। यसरी सरकारी अस्पतालमा बच्चाहरूको ब्रोन्सोकोपी सेवा दिन थालेको पहिलो पटक हो। बच्चाहरूमा पेडियाट्रिक इस्पाइरोनमेट्री स्वासप्रस्वासको समस्यामा डाइग्नोष्टिक सेवा पनि हप्ताको दुइ दिन चलेको हुन्छ।
यस्तैगरी बच्चामा हुने समस्या बारम्बार निमोनिया भइराख्ने, छाती घ्यारघ्यार भइराख्ने, सासको समस्या आइराख्ने, पसिनाको जाँच गरेर स्विट क्लोराइड जाँच गर्ने, सानो बच्चामा गर्ने पल्मोनरी फङ्सन जाँच यस अस्पतालमा भइरहेको र अस्पतालमा निकट भविष्यमा छाती विभाग बनाउने लक्ष्य रहेको डा. घिमिरेले बताए।
