काठमाडौं , २८ भाद्र २०७७
अफ लिभिङ नेपाल (AoLN) ले एक अनलाइन iExcel Holistic Wellbeing कार्यक्रम नेपालमा कोरोना संक्रमणका कारण भएको लकडाउन लगत्तै नै सांचलन मा ल्याएको थियो । प्रशिक्षण कार्यक्रम, विशेष गरी अग्र पंक्तिमा रहेर काम गरिरहेका स्वास्थ्यकर्मीहरू, डाक्टरहरू, नर्सहरू, स्वयम्सेवकहरू, र प्यारामेडिक्स हरूको शारीरिक, मानसिक, र भावनात्मक कल्याणको विकास गर्न सहयोग गर्ने उदेश्य लिएर निर्माण गरिएको हो । सेप्टेम्बेर ७ देखी १० सम्म जूम मार्फत सांचलन गरिएको दैनिक २ घण्टाको यस सत्रबाट २० भन्दा बढी संसंस्थाका लगभग ३२० सहभागीहरू लाभान्वित भएका छन् ।
महामारीको क्रममा विगत तिन महिना यता ए.ओ.एल.एन.का स्वयंसेवी प्रशिक्षकहरूले सम्पूर्ण नेपालभर बाट उपस्थित १,१७४ सहभागीहरुलाई अनलाइन सत्रहरू संचालन गराएका छन् जसमध्ये ५५१ जना अग्र पंक्तिमा रहेर काम गरिरहेका स्वास्थ्यकर्मी र स्वयंसेवक थिए।
यस कार्यक्रमको चौथो संस्करण सम्म आइपुग्दा कुल २१० भन्दा बढी संस्थाले यस कार्यक्रममा जोडिएका छन् । नागरिक सेवा, सरकारी सेवा, अस्पताल, धर्मशाला, शिक्षा संस्थान, स्वयंसेवी समूह, गैरसरकारी संस्था, आईएनजीओ, रोटरी क्लब, र बैंकका सदस्यहरूको सक्रिय सहभागिता रहेको थियो ।
प्रतक्ष संलग्न स्वास्थ्यकर्मीहरुको भावनात्मक र मानसिक सुस्वास्थ्यको प्रवर्दन गर्नका निम्ति, आर्ट अफ लिभिंग नेपालले समान क्षेत्रमा कार्यरत तथा समान विचारधाराभएका प्रायोजकहरूसँग सहकार्य गरेर आइक्सेल होलिस्टिक वेलबिंग प्रोग्राम (iExcel Holistic Well-being Program) सबै स्वयंसेवक र चिकित्साकर्मीहरूलाई निशुल्क सत्रको रूपमा प्रदान गरेको थियो । कार्यक्रमका लागी नेपाल इन्भेस्टमेन्ट बैंक लिमिटेडले उदारताका साथ नेरु. २,००,००० योगदान गरेको थियो । त्यस्तै अवकाशप्राप्त लेफ्टिनेंट जनरल कृष्ण नारायण थापाले नेरु. ७५,००० र ‘राजेश प्रधान र परिवार’ ले थप नेरु. ३,००,००० भन्दा धेरै प्रायोजन प्रदान गर्नुभएको थियो । ए.ओ.एल.एन.का अध्यक्ष एस.के. सिंहले कार्यक्रमका सहभागीहरूलाई धन्यवाद र बधाई दिदै प्रायोजकहरूको सहयोग र योगदानको पनि सराहना गर्नुभयो ।
Holistic Well Being Program Nepal कि संयोजक तथा AoLN कि वरिष्ठ सहजकर्ता श्री नीवा एम. प्रधानले पनि प्रशिक्षकहरूलाई उहाहरुको विगत केही महिनादेखिको समर्पण र मेहनतका लागि बिशेष धन्यवाद व्यक्त गर्नुभयो । उहाले टिप्पणी गर्दै भन्नु भयो, ‘टोली शिक्षण र टीम वर्कले सत्रलाई अझ प्रभावकारी र कुशल बनाउन निक्कै सहयोग गर्यो’। उहाले उल्लेख गर्नुभेयो कि यस कार्यक्रममा भाग लिईसकेका सहभागीहरूको प्रोत्साहनजनक प्रतिक्रिया र प्रशंसाको आधारमा, यस आर्ट अफ लिभिंग फाउण्डेशन, प्रायोजक समूहहरू, र स्वयंसेवी प्रशिक्षकहरूको संयुक्त प्रयासले समुदायमा सकारात्मक प्रभाव पार्न सफल भएको छ ।
आर्ट अफ लिभिंग नेपालले विगत २० बर्ष देखी विभिन्न ध्यान तथा स्वास-प्रस्वास प्रविधि: विशेष गरी सुदर्शन क्रिया प्रविधि सिकाएर नेपालमा धेरै क्षेत्रका हजारौं मानिसहरुलाई सेवा प्रदान गर्दै आएको छ।
आर्ट अफ लिभिङ फाउण्डेशन (AoLF) एक गैर नाफामुखी, शैक्षिक संस्था हो जुन विश्व-प्रसिद्ध मानवीय र आध्यात्मिक गुरु श्री श्री रविशंकरद्वारा सन् १९८१ मा स्थापना गरिएको थियो। यस संगठनको १५६ देशहरुमा आफ्ना कार्यक्रमहरु संचालन गर्दै आइरहेको छ । AoLF का सबै कार्यक्रमहरू श्री श्री को दर्शन: “जबसम्म हामीमा तनावमुक्त दिमाग र हिंसा मुक्त समाज हुदैन, हामी विश्व शान्ति प्राप्त गर्न सक्दैनौं” र “विश्व एक परिवार” द्वारा निर्देशित छन्। आर्ट अफ लिभिङ समुदायले विविध पृष्ठभूमि र धार्मिक झुकाव भएका व्यक्तिहरूलाई आकर्षित गर्दै आएको छ। विश्वको सबैभन्दा ठूलो स्वयम्सेवक-आधारित संस्थाको रूपमा स्थापित भएको यो संस्थाले प्रकोपहरूको समयको आवश्यकता अनुसार द्रुतगतिमा मानवीय सेवामा पुगेर प्रख्यात ट्र्याक रेकर्ड समेत कायम गरेको छ। धेरै पटक AoLF स्वयंसेवकहरू प्रकोपद्वारा प्रभावित मानिसको भौतिक मानसिक, भावनात्मक आवश्यकता पूर्ति गर्न आफ्नै सुरक्षा भन्दा माथि उठेर सेवा प्रदान गरेका छन् ।
