काठमाडौं, ९ माघ २०७९
सम्यक डायग्नोस्टिक प्रालीले आफ्नो शाखा बुढानिलकण्ठमा पनि सेवा दिने भएको छ।
सम्यकले सोमबार औपचारिक रुपमा बुढानिलकण्ठमा रहेको शाखाबाट सेवा सुरु गरेको छ। सम्यकले सेवा अब जावलाखेल, मध्य बानेश्वर, गठ्ठाघरसहित बुढानिलकण्ठमा समेत गरेर चार ठाउँबाट सेवा दिने भएको हो।
बुढानिलकण्ठमा पहिलो चरणमा नमुना संकलन शाखा स्थापना गरिएको हो। बुढानिलकण्ठको शाखाबाट बिहान रगत, दिसा पिसाबको नमुना संकलन गरेर जावलाखेलको प्रयोगशालामा नै पठाइने र मोबाइल तथा अनलाइन मार्फत रिपोर्ट उपलब्ध गराइने सम्यकका अध्यक्ष डा. केयूर गौतमले जानकारी दिए।
डा. गौतमका अनुसार बुढानिलकण्ठ क्षेत्रका मानिसहरुका लागि लक्षित गरेर शाखा विस्तार गरेका हौं र यो क्षेत्रका मानिसहरुले गुणस्तरीय प्रयोगशालाको खोजीमा धेरै टाढा जान नपरोस् भनेर शाखा स्थापना गरेका हौं। उनले नागरिकको चाहना अनुसार शाखामा सेवा थप गर्दै लगिने जानकारी दिए।
सम्यक डाइग्नोस्टिक अन्तराष्ट्रिय मान्यता आइएसओ १५१८९ पाउने नेपालको पहिलो प्याथोलोजी प्रयोगशाला हो।
