काठमाडौँ,२४ साउन २०७७
स्वास्थ्य तथा जनसंख्या मन्त्रालयले कुन अवस्थामा कोरोना परिक्षण गर्ने भन्ने बारे प्रष्ट पारेको छ। मन्त्रालयका प्रबक्ता डा. जागेश्वर गौतमका अनुसार ज्वरो, खोकी, श्वासप्रश्वासमा कठिनाइ, गन्ध हराउनु, स्वाद हराउनु र झाडापखालामध्ये कुनै एक लक्षण देखिएमा, सङ्क्रमितको सम्पर्कमा रहेका, विदेशबाट फर्किने, गम्भीर श्वासप्रश्वास सङ्क्रमण भएका व्यक्तिले कोरोना परिक्षण गर्नुपर्ने बताउनुभयो ।
यस्तै अग्रपङ्क्तिमा कार्य गर्ने स्वास्थ्यकर्मी, सुरक्षाकर्मी लगायतका कर्मचारी, बिरामीको शल्यक्रिया गर्नुपूर्व, हाल सङ्क्रमण धेरै देखिएका स्थानबाट आएका व्यक्ति, सघन उपचार कक्षमा उपचाररत व्यक्ति, दीर्घ रोग भएका मुख्यतः ६० वर्ष माथिका व्यक्ति, मध्यम, गम्भीर बिरामीको डिस्चार्ज गर्नुपूर्व पनि पिसिआर परिक्षण गर्नुपर्ने बताउनुभयो
