काठमाडौं, १० मंसिर २०७९
नेपाल नेसनल हस्पिटल, रोटरी क्लब अफ काठमाडौँ हेल्थ प्रोफेसनल, रोट्रयाक्ट क्लब अफ नेपाल नेशनल हस्पिटल र लायन्स क्लब अफ काठमाडौँ कर्पोरेट नेपालको संयुक्त आयोजनामा विश्व COPD जनचेतना महिनाको अवसरमा र्याली गरेको छ।
शनिबार बिहान ८ बजे हस्पिटलबाट शुरु भएको जनचेतनामुलक र्याली कलंकी चोक, रविभवन, सोल्टीमोड, बाफल हुँदै पुन हस्पिटलको प्राङगणमा आएर कोणसभामा परिणत भएको थियो।
उक्त र्यालीमा डाक्टर, समाजसेवी, कलाकार, राजनितिक दलका नेता, विद्यार्थी, पत्रकार लगायत हजार जनाको सहभागिता रहेको थियो।
तपाँईको फोक्सो जीवनको लागि रक्षा भन्ने मुल नाराका साथ यस हस्पिटलले विश्व COPD दिवस मनाएको हो। विश्वमा COPD भएका देशहरू मध्ये नेपाल पनि उच्च स्थानमा रहेको छ ।
हस्पिटलका मेडिकल डाइरेक्टर एवम् पल्मोनरी विशेषज्ञ डा. प्रकाश पौड्यालले COPD भनेको फोक्सोको एउटा दीर्घ दम हो र यसको महत्व कोभिडको समय देखि झन बढ्दै गएको बताए। हरेक वर्ष यस दिवस सम्बन्धी जनचेतनामुलक कार्यक्रम आयोजना गर्ने गरेको डा. पौड्यालले जानकारी दिनुभयो।
डा. पौड्यालका अनुसार COPD को मुख्य उद्देश्य धुम्रपान बाट टाढा रहनु उचित रहेको र विभिन्न बायुप्रदुषणबाट फोक्सोलाई बचावट गर्नु हो। यसको लागि हामी सबैले हातेमालो गर्दै अगाडी बढ्नुपर्ने आवश्यकता रहेको उनले बताए।
त्यस्तैगरी दिवसको अवसरमा रक्तदान कार्यक्रम गरेको छ। रक्तदानमा सय जना भन्दा बढीले पिन्ट दिएको छ।
