काठमाडौँ, ४ भाद्र २०७७
पछिल्लो चौबिस घण्टामा काठमाडौंमा २०० जना सहित देशभर ७०७ जनामा कोरोनाको पुष्टि भएको छ। स्वास्थ्य तथा जनसंख्या मन्त्रालयका प्रवक्ता डाक्टर जागेश्वर गौतमले प्रेस विज्ञप्ति मार्फत ७०७ जना मध्ये ५१५ जना पुरुष र १९२ जना महिला रहेका बताए।
त्यस्तैगरी काठमाडौ उपत्यकामा मध्ये काठमाडौंमा १७४ ललितपुरमा १८ र भक्तपुरमा ८ जना गरी २०० जनामा कोरोनाको संक्रमण देखिएको छ।
विगत चौबिस घण्टामा कोरोना मुक्त हुनेको संख्या २६४ संगै हालसम्म कुरा मुक्त हुनेको संख्या १७ हजार ९६४ रहेको छ ।
आज एकैदिन कोरोना भाइरसको संक्रमणका कारण ६ जनाको मृत्यु भएको छ भने हालसम्म मृत्यु हुनेको संख्या १२६ पुगेको छ।
सवैभन्दा बढी कोरोना मुक्त हुने प्रदेश सुदुरपश्चिम रहेको छ । यस प्रदेशमा ४ हजार ३४६ जना रहेका छन्।
