डडेल्धुरा, ११ मंसिर २०८२
सुदूरपश्चिम प्रदेशका स्वास्थ्य कार्यालयहरूले सञ्चालन गरेका स्वास्थ्य कार्यक्रमका सूचकाङ्कको मूल्याङ्कनमा डडेल्धुरा स्वास्थ्य कार्यालय प्रदेशभरिमै उत्कृष्ट भएकाे छ।
स्वास्थ्य कार्यालय डडेल्धुराले ८५.२० अंकसहित ‘ए’ ग्रेड हासिल गर्दै अन्य जिल्ला स्वास्थ्य कार्यालयहरूलाई पछि पारेकाे हाे। यस्तै मूल्याङ्कनमा स्वास्थ्य कार्यालय डोटी ८२.५० अंकसहित दाेस्राे र कैलाली ८१.७५ अंकसहित तेस्राे भएकाे स्वास्थ्य कार्यालयका प्रमुख केशर बहादुर साउदले जानकारी दिनुभयो।
स्वास्थ्य कार्यालयले यस उपलब्धि हासिल गर्न अहोरात्र खटिने स्वास्थ्यकर्मी, स्थानीय तह, सञ्चारकर्मी, जनप्रतिनिधि तथा सरकारी–गैरसरकारी साझेदार संस्थाहरूलाई धन्यवाद व्यक्त गरेको छ।
