यूवा पुस्ताका निर्देशक , जसले गर्दा ट्रमा सेन्टरको मुहार फेरियो

✍️ नमराज भट्ट

राष्ट्रिय ट्रमा सेन्टरका बरीष्ठअर्थोपेडिक सर्जन डा.सन्तोष पौडेलले ट्रमा सेन्टरको नयाँ प्रमुखको पद समाले यता जनताहरुको मन लोभ्याउने किसिमले काम अगाडि बढाइरहनु भएको छ। फागुनमा डा.पौडेलले प्रमुख मे सु पदको जिम्मेवारी सम्हाले यता करीब ५ महिना बितिसक्दा ट्रमा सेन्टरका सेवाहरुमा बिरामीले दिनप्रतिदिन सहजता महसूस गरेका छन् । चोटपटक लागेका नेपालभरिका सर्वाधिक बिरामीहरु ट्रमा सेन्टरमा उपचार गर्न आउँछन्। जस्तोसुकै बिरामी भएपनि उनिहरुको समस्या अनुसारको सेवा भइरहेको छ। नेपालमा कोरोना देखिए यता पनि ट्रमाका सेवाहरु निरन्तर चलिरहेका छ्न। अत्यावश्यक ओपिडि र इमर्जेन्सीका सेवाहरु निरन्तर चलिरहेका छ्न।

प्राय: गरेर भिरबाट लडेर, रुखबाट लडेर वा सडक दुर्घटनामा परेकाहरु एवं जलेका बिरामीहरु बढी आउने गरेको डा.पौडेल बताउँछन् । उपचार गर्दा पिसिआर परिक्षण आवश्यकता अनुसार गर्ने गरिएको छ । नयाँ बिरामीको अत्यावश्यक ओपिडी १० बजे देखि ४ बजे सम्म चलिरहेको छ।ट्रमा सेन्टरको समाजिक सेवा ईकाइको कुरा गर्ने हो भने नेपालकै एक उदाहरणीय ईकाइको रुपमा रहेको छ ।गरीब , असहायको लागि सबैजसो सेवा निशुल्क भइरहेको छ।

ट्रमा सेन्टरले आफ्ना योजनाहरुलाई तीन चरणमा अगाडि बढाइरहेको छ : 

पहिलो चरणमा छिटो र सहज किसिमको सेवा संचालनमा आएको छ । क्याबिनको निर्माण भएको छ। Nursing station र Ward थपिएको छ।इमर्जेन्सी कोठामा भेन्टिलेटरको ब्यबस्था भएको छ। यदि कोरोना संक्रमण देखिइहाल्यो भनेपनी त्यसको लागि आइसोलेशन पनि थपिएको छ। पहिले बिग्रेर पूर्ण क्षमतामा नरहेका ६ ओटा अप्रेसन कोठा अहिले मर्मत गरेर पूर्ण रूपमा संचालनमा आएका छ्न्।आइसियूको लागि पनि छुट्टै Isolation Ward को व्यवस्था गरिएको छ। अस्पतालको वरपर गार्डेनको समेत ब्यवस्थापन भएको छ।

दोस्रो चरणका योजना पनि निरन्तर अगाडि बढिरहेका छन। जसमध्ये सर्वप्रथम कफि सपको व्यवस्था गरिदै छ। राष्ट्रिय स्तरको ट्रमा केन्द्रको अनुभूति गराउन पारामेडिक्स सहितको ‘क’ वर्गको ICU एम्बुलेन्स सेवा संचालनमा ल्याउने योजना सुरु भैसकेको छ। पहिले एउटा मात्रै सामान्य एम्बुलेन्स रहेको थियो। स्वास्थ्यकर्मीहरुलाई ट्रमा सम्बन्धिको तालीम केन्द्रीय स्तरमा प्रदान गर्ने योजना छ। पेन क्लिनिकको स्थापना गर्ने योजना रहेको छ।

तेस्रो चरणका योजनामा, प्रदेश अनुसार ट्रमा सेन्टरको स्थापना , High way मा ट्रमा सेन्टर संचालन लगायत देशभरी नौ ट्रमाको संजाल पुर्याउने योजना रहेको छ। चोटपटक लागिसकेपछि त्यसको पुनःस्थापना गर्ने , जसमा लामो समय सम्म हात खुट्टा गुमाएका वा अंगभंग भएका र प्यारालाइसिस भएका बिरामी लागि समाजमा पुनःस्थापना गर्ने ।

गुणस्तर किसिमको सर्जिकल तालिम , मृतकको शरीर उपयोग गरी (Skill-Lab) स्कील-ल्याबको स्थापना गरी अन्तर्राष्ट्रीयस्तरको सीप प्रशिक्षण ल्याबको स्थापना गर्ने, ईन्जुरी तथ्यांकलाई अझ व्यवस्थित बनाउने योजना रहेको छ।