काठमाडौं, २६ कार्तिक २०७७
नेपालमा कोरोना संक्रमितको संख्या २ लाख नाघेको छ । पछिल्लो २४ घण्टामा नेपालमा थप २ हजार ५६९ जनामा कोरोना भाइरसको संक्रमण पुष्टि भएको छ ।
स्वास्थ्य तथा जनसंख्या मन्त्रालयका प्रवक्ता प्रा.डा.जागेश्वर गौतमले १० हजार ८१ जनाको पीसीआर परीक्षण गर्दा २ हजार ५६९ जनालाई कोरोना पुष्टि भएको जानकारी दिनुभयो ।
आज थपिएकासँगै नेपालमा संक्रमितको संख्या २ लाख २ हजार ३२९ पुगेको छ । जसमध्ये १ लाख ६२ हजार २४३ जना निको भएका छन् ।
२४ घण्टामा १ हजार ६६६ जना कोरोनामुक्त भए । यस्तै २४ घण्टामा थप २६ संक्रमितको मृत्यु भएको छ । नेपालमा कोरोना संक्रमितको मृत्यु हुनेको संख्या १ हजार १७४ पुगेको छ ।
