धनगढी , २१ जेठ
कोरोना संक्रमितको संख्या बढ्दै गएपछि सुदूरपश्चिममा उपचार व्यबस्थापनमा समस्या देखिएको छ । कोरोना विशेष सेती प्रादेशिक अस्पतालका आइसोलेसन वार्ड भरिएकाले समस्या देखिएको छ।
मंगलवार थप २७ जनामा कोरोना पुष्टि भएसँगै सुदूरपश्चिम प्रदेशमा संक्रमितको संख्या ७३ पुगेको छ । जसमध्ये ६ जना निको भएर घर फर्किसकेका छभने बाँकी प्रदेशका विभिन्न अस्पतालमा उपचाररत छन् । यसैवीच कैलालीको गौरिगंगा नगरपालिकाका पाँचजना कोरोना संक्रमितलाई सेती प्रादेशिक अस्पतालले भर्ना नगरी फिर्ता गरिदिएको बताएको छ । मंगलबार राति अस्पताल पुर्याइएका बिरामीलाई आइसोलेसन वार्ड अभाव भएको अस्पतालका प्रवक्ता डा.जगदीश जोशीले जानकारी दिनु भयो।
अस्पतालले भर्ना नगरेपछि संक्रमितहरुलाई मन्दिरको हलमा राखिएकोले अह भन्दै नगर प्रमुख देउवाले स्थानीय तहले नै आइसोलेसन वार्ड बनाएर बिरामीहरुलाई राख्ने तयारीमा जुटेको बताए । यता, सेती प्रादेशिक अस्पतालले भने शैय्या अभावका कारण संक्रमितलाई राख्न नसकेको बताएको छ । सेती अस्पताल मातहत रहनेगरी प्रदेश सरकारले हालै ५० शैय्याको आइसोलेसनसहितको छुट्टै अस्पताल निर्माण गरेको भएपनि सञ्चालनमा आउन सकेको छैन् ।
‘अहिले सेती अस्पतालमा २४ शøयाको आइसोलेसन छ । हामीकहाँ २५ जना बिरामी भइसके । त्यसैले थप संक्रमितलाई राख्न नसकेर फर्काएका हौं,’ अस्पतालका सूचना अधिकारी दिलिप श्रेष्ठले भने ।
