काठमाडौँ, २६ जेठ
नेपालमा पछिल्लो चौविस घण्टामा थप ३१४ जनामा कोरोना संक्रमण देखिएको छ । जसमा २९४ जना पुरुष र २० जना महिला रहेका छन् ।
यो संगै नेपालमा कोरोना संक्रमितको संख्या ३ हजार ७६२ पुगेको छ ।
स्वास्थ्य तथा जनसंख्या मन्त्रालयले गरेको नियमित कोरोना अपडेटमा प्रवक्ता डा . जागेश्वर गौतमले देशभरका बिभिन्न जिल्लामा रहेका प्रयोगशालामा गरिएको परीक्षणमा उनीहरुको पोजेटिभ देखिएको बताए ।
अहिलेसम्म ४८८ जना कोरोना जितेर घर फर्केका छन्। जसामा ४१९ जना पुरुष र ६९ जना महिला रहेका छन् । आज स्याङ्जाका एक पुरुषको मृत्यु पनि भएको छ। यो संगै कोरोनाबाट मृत्यु हुनेको संख्या १४ पुगेको छ।
