काठमाडौं , १५ जेठ
आज एकै दिन कोरोना संक्रमितको संख्या १५६ पुगेको छ। विभिन्न जिल्लाहरुमा भएको पिसिआर परिक्षणमा पोजेटिभ देखिएको स्वास्थ्य तथा जनसंख्या मन्त्रालयका प्रवक्ता डा.बिकास देवकोटाले जानकारी दिनु भएको छ।
आज थपिएका संक्रमितसंगै नेपालमा कोरोनाबाट संक्रमित हुनेको संख्या १ हजार ४२ पुगेको छ । संक्रमितमध्ये ९४० जना पुरुष र १०२ जना महिला छन् । अहिलेसम्म देशका ५१ जिल्लामा संक्रमण देखिएको छ।
अहिलेसम्म कोरोनाको लडाइँ जितेर घर फर्किनेको संख्या १९० पुगेको छ भने कोरोना संक्रमणवाट मृत्यु हुनेको संख्या ५ रहेको छ।
डा.देवकोटाका अनुसार पिसिआरको दायरा तीब्र रुपले अघि बढिरहेकोले पिसिआर पोजेटिभ देखिनेको संख्या पनि बढेको उनले बताए। त्यसैले एकदम सुरक्षीत भएर बस्न अनुरोध पनि डा.देवकोटाले बताउनु भयो।
