काठमाडौं, ७ चैत्र २०७९
नेपालका लागि बजाज बाइकको आधिकारिक विक्रेता हंसराज हुलासचन्द्र एण्ड कम्पनी (HH Bajaj) र नेपाल औषधी तथा बिक्री प्रतिनिधि संघ (NMSRA) बीच नेपाल औषधी तथा बिक्री प्रतिनिधि संघकाे २८ औं राष्ट्रिय महाधिवेसनकाे अबसरमा चितवनमा एक कार्यक्रमका बीच आपसी सहयोग आदान प्रदान गर्ने सम्बन्धमा सम्झौता पत्र मा हस्ताक्षर भएको छ ।
नेपालभर विभिन्न औषधी कम्पनीमा कार्यरत औषधी प्रतिनिधिहरु लाई अत्यावस्यक पर्ने मोटरसाइकल खरिद तथा नयाँ साटफेरमा विशेष सुविधा उपलब्ध गराउने सम्झौता पत्रमा उल्लेख छ । सम्झौता पत्रमा हंसराज हुलासचन्द्र एण्ड कम्पनीकाे तर्फबाट कर्पोरेट सेल्स म्यानेजर मनि लामा र NMSRA काे तर्फबाट केन्द्रिय अध्यक्ष अनिल दाहालले हस्ताक्षर गरे ।
सम्झौताअनुसार हंसराज हुलासचन्द एण्ड कम्पनीका देशभर रहेका १०६ शोरुम तथा २०० भन्दा बढि सर्भिसिङ्ग सेन्टर बाट नेपाल औषधी तथा बिक्री प्रतिनिधी संघका सदस्यहरूले यो सम्झौता अन्तर्गतकाे सुविधा प्राप्त गर्न सक्नेछन् ।
