काठमाडौं, २६ असार २०७९
नेपालमा पहिलो पटक औषधि बजारमा उपलब्ध हुन नसकेका Atomoxetine र Modafinil नामक दुई औषधि क्युबिडी फर्मास्युटिकल्सले बजारमा ल्याएको छ। कम्पनीले अन्तर्राष्ट्रिय प्रविधि प्रयोग मार्फत विश्वस्तरीय औषधि उत्पादनलाई तीव्र बनाउँदै मनोरोग उपचारमा अति उपयोगी मानिएको Atomox र Modaf नाम गरेका औषधिहरू पहिलो पटक नेपालमा उपलब्ध गराउन सफल भएको छ ।
कम्पनीले औषधि उत्पादनमा उपयुक्त तरीका अपनाई फर्मास्युटिकल्स सूत्रहरूको विकास तथा निर्माण गरी उत्पादनहरूको सुरक्षा, प्रभावकारिता र उपयोगलाई सुनिश्चित गर्दे लगिने मुख्य उद्देश्य लिइएको छ।
विश्वका बालबालिकाहरू मध्ये विशेषगरी १४ देखी १८ वर्ष उमेरका १० देखी २० प्रतिशतरूमा Attention Deficit Hyperactivity Disorder (ADHD) जस्ता समस्यालाई चिकित्सकहरूले मनोरोगका लक्षणले व्याख्या गरेका छन् । यही रोगको उपचारमा Atomox औषधि ल्याइएको कम्पनीले जनाएको छ । नेपालको कुल जनसंख्या मध्ये ४० प्रतिशत हिस्सा बालबालिकाहरू पर्ने गर्दछन् । अस्पतालहरूले हालै प्रकाशित गरेको एक अध्ययन अनुसार २५ वर्ष मुनीका किशोरकिशोरीहरुमा सबैभन्दा सामान्य न्युरोडेवलपमेन्ट विकारहरूका कारण यो समस्या देखा पर्दछन् ।
नेपालमा समेत १० प्रतिशतमा बालबालिका तथा किशोरकिशोरीहरु मानसिक स्वास्थ्य समस्याबाट ग्रस्त भएको हालै पहिचान गरिएको बताइएको छ ।
त्यसतै मनोरोगका वयस्क बिरामीहरूमा धेरै निन्द्रा लाग्ने, Narcolepsy, Obstructive Sleep Apnoea and Shift-Work Sleep Disorder समस्या हुने गरेकोले त्यस प्रकारका बिरामीहरू लक्षित नयाँ प्रकारको मोलिक्युल सहितको Modaf (Modafinil) औषधि ल्याइएको छ । यी दुवै प्रकारका बिरामीहरूका सख्ंया नेपालमा अति कम पाइएपनि त्यस प्रकारका बिरामीको उपचारमा यी औषधिहरू अति लाभदायक मानिएको छ । औषधि बजारमा कम बिक्री हुने भएपनि क्युबिडीले सामाजिक उत्तरदायित्व वहन गर्ने क्रममा मुनाफा नहुने यस प्रकारका औषधि बजारमा ल्याउनुभएको हो।
क्युबिडी फर्मास्युटिकलले आउँदा दिनमा यस क्रमलाई निरन्तर राख्दै नेपाली औषधि बजारलाई आत्मनिर्भर बनाउँदै लगिने प्रतिबद्धता जनाएको छ । बनेपामा स्थापित क्युबिडी फर्मास्युटिकल्समा मनोरोग, मुटुरोग तथा मधुमेह लगायतका उपचारमा नयाँ मोलिक्युल सहितका औषधि बजारमा ल्याउने गरेको छ ।
