✍️ नमराज भट्ट
काठमाडौं , २१ असार
नेपाल सरकारले देशभर बालबालिकामा संक्रमणको घटना बढ्दै गएको भन्दै विशेष सावधानीका लागि आदेश गराएको छ ।स्वास्थ्य मन्त्रालयका प्रवक्ता प्रा. डा. जागेश्वर गौतमले देशभर १४ हजार भन्दा बढी संक्रमितमध्ये २ हजार ६१ जना १८ वर्ष मुनिका बालबालिका रहेको जानकारी दिए ।
डा. गौतमले हालैमात्रै सुदूरपश्चिम प्रदेशमा ९ वर्ष मुनिका १७५ बालबालिकामा संक्रमण पुष्टि भएको जानकारी दिए।
अविभावक संक्रमित भएको अवस्थामा बालबालिकाबाट टाढै बस्नसमेत सरकारले आग्रह गरेको छ ।
संक्रमित भएको आमा वा अन्य व्यक्तिले बच्चाको नजिक रहँदा, हाच्छियूँ गर्दा वा माया गर्दा बालबालिकामा संक्रमण हुने अवस्था उच्च नै हुन्छ।
बालबालिकाहरुमा कसरी संक्रमण बढिरहेको छ भनी यसको बारेमा केही बालरोग विशेषज्ञको भनाई यस्तो छ।
सेती प्रादेशिक अस्पताल धनगढीबाट वरिष्ठ बालरोग विशेषज्ञ डा.प्रदिप मिश्र का अनुसार अहिले बालबालिकाको कोरोना संक्रमणकाे प्रकृतीहेर्दा वयस्क व्यक्तिबाटै सरिरहेको छ । बिशेष गरि बच्चाहरुमा बयस्कहरुबाट नै कोरोना सर्ने गरेको देखिएको छ। किनभने घरमा बढी घुलमिल बच्चाहरु संगै हुने भएकाले बच्चाहरुमा बढी संक्रमण देखिएको वरिष्ठ बालरोग विशेषज्ञ डा. प्रदिप मिश्रले बताएका छ्न ।
डा. मिश्रले भने नेपालमा पहिलोपटक सुदुरपश्चिममा नवजात शिशुमा जुन ४ दिनको बच्चामा कोरोना सन्क्रमित देखिएको थियो। प्राय गरेर सुदुरपश्चिम प्रदेशमा ४० प्रतिशत मानिसहरु भारतमा मजदुर गर्न जान्छ्न।
बालबालिकालाई संक्रमणबाट जोगाउने जिम्मेवारी बाबुआमा र अविभावकको भएको भन्दै उनले बालबालिकालाई घरमैमा राख्न, भिडभाडमा नलान र बाहिर लैजानुपरे आफू र बालबालिकालाई पनि अनिवार्य मास्कको प्रयोग गर्नसमेत उनले आग्रह गरे ।
तर, गर्भवस्थाबाट बच्चामा कोरोना संक्रमण हुने हाल प्रमाणित बिश्वमा भइसकेको छ। बच्चाहरुका अभिभावकहरुले बाहिर आफ्नो काम बाट फर्किदा अनिवार्य रुपमा लुगाकपडा फेरेर अनि हात मुख धोएर मात्रै बच्चाहरुलाई समात्नु हुनु डा. मिश्रले अनुरोध गरेका छ्न्।
सुदुरपश्चिममा धेरै जसो बच्चाहरुमा कोरोना संक्रमण देखिनुको कारण भारतबाट नेपालको यात्रा अनि क्वारेन्टाइनमा बसेर आफ्नो सरसफाइ नहुदा बढी जोखिम भएको बताए।
उनका अनुसार संक्रमित भएको आमा वा अन्य व्यक्तिले बच्चाको नजिक रहँदा, हाच्छियूँ गर्दा वा माया गर्दा बालबालिकामा संक्रमण हुने अवस्था उच्च नै हुन्छ।
भरतपुर अस्पताल नवजात शिशु तथा सघन उपचार कक्ष विशेषज्ञ डा.ओम कृष्ण पाठकको भनाई अनुसार नवजात शिशु तथा बालबालिकामा वयस्क सँगको घुलमिल बाट कोरोना संक्रमण भएको देखिन्छ। विश्वको तुलनामा नेपालको अहिलेसम्मको तथ्याङ्क अनुसार बालबालिका बढि संक्रमित देखिएका छन् (७% Vs 14%)। तसर्थ अहिलेसम्म गम्भीर प्रकृतिका बालबालिकाको संख्या कम भएतापनि सो बढ्न सक्ने आंकलन गर्दै त्यस्ता बालबालिकाको उपचार गर्न आबश्यक सघन उपचार कक्ष को तयारी बेलैमा गर्न पर्ने देखिन्छ।
साथै नेपाल सरकारले अस्पतालमा बालबालिकाको उपचार गर्न आवश्यक सघन उपचार कक्षको अभाब भएमा मेडिकल कलेज वा अन्य अस्पतालमा उपलव्ध भएका सघन उपचार कक्षको उपयोग गर्न यथासक्य छिटो पहल गर्नु पर्दछ।
नेपालमा १४ वरिपरिको मुनिका ८३७ बालबालिकामा कोरोनाको संक्रमण देखिएको छ।
१४ वर्ष मुनिका बालबालिकाको कोरोना संक्रमण प्रदेश विवरण अनुसार यस प्रकार रहेको छ।
प्रदेश न. १ मा ३१ जना
प्रदेश न . २ मा २५६ जना
बागमती प्रदेशमा १२ जना
गण्डकी प्रदेशमा ३० जना
प्रदेश न. ५ मा १६८ जना
कर्णाली प्रदेशमा ६९ जना
सुदुरपश्चिम प्रदेशमा २७१ जना
हाल सम्म नेपालमा १४ वर्ष मुनिका ८३७ जना बालबालिकामा कोरोना संक्रमित देखिएको इपिडियोमोलोजिका निर्देशक डा . बाशुदेब पाण्डेले जानकारी दिएका छ्न।
१४ वर्ष मुनिका बालबालिका मध्ये सबैभन्दा बढी सुदुरपश्चिम प्रदेशमा संक्रमित रहेका छ्न ।
