आज मिति : २०८० आश्विन १४
  • Login
Health News Nepal
HPV Vaccine | Human Papillomavirus (HPV) Information
  • Home
  • News
  • Health
  • Nutrition
  • Disease
  • Articles
  • Research & Study
  • 🔥 डेंगी
No Result
View All Result
HealthNews
  • Home
  • News
  • Health
  • Nutrition
  • Disease
  • Articles
  • Research & Study
  • 🔥 डेंगी
No Result
View All Result
HealthNews
No Result
View All Result

महामारीको कथा, भुत र भविष्य: कोभिड-१९ को तेश्रो लहरको उत्कर्षमा उभिएर हेर्दा

HNN Staff by HNN Staff
January 28, 2022
in Articles
A A
0
Covid management in pandemic era, कोरोना व्यवस्थापन

Covid Management in Pandemic Era, कोरोना व्यवस्थापन

Share on FacebookShare on TwitterShare on LinkedInQR Code
Ram prasad ojha medical lab technologist
✍️राम प्रसाद ओझा, मेडिकल ल्याब टेक्नोलोजिस्ट

चराचर मानव जगत अहिले कोरोनाको तेश्रो लहर संग जुधिरहेको छ I यसै सन्दर्भमा के कोरोनाको यो महामारी मात्रै मानव जगतले भोगेको पहिलो महामारी हो त ? कोरोनाको अगाडी हामी किन यति लाचार भयौ? हामीले महामारी नियन्त्रणका लागि गरिसकेका र गरिरहेका प्रयासहरु साचिक्कै कमजोर थिए र छन् त ? वर्तमानमा हामी कहाँ छौ? भविस्यमा के गरियो भने हामी हाम्रो समाजलाई, देशलाई र सम्पूर्ण विश्वलाई बढी सुरक्षित बनाउन सक्छौ ? यी र यस्तै कुराहरुमा यो लेख केन्द्रित छ I

सर्वप्रथम सुरू गरौ, के कोरोनाको यो महामारी मात्रै मानव जगतले भोगेको पहिलो महामारी हो त ? भन्ने कुराबाट, उत्तर प्रस्टै छ, निश्चित रुपमा हैन I इतिहास साक्षि छ। यो जगतमा विभिन्न कालखण्डमा महामारी गराउन सक्ने संक्रामक रोगहरुको उदय भएको छ र फैलीएका छन् I बिगतमा भईसकेका र भविष्यमा फेरी पनि नहोलान भन्न नसकिने मुख्य उदाहरणीय महामारीहरुको रुपमा प्लेग, हैजा, फ्लू, सार्स र मर्सलाई लिन सकिन्छ I र हाल पुरै मानव सभ्यता कोभिड -१९ को चपेटामा फसेको हामी सबैलाई ज्ञात छ/भुक्तभोगी छौ I

उसो भए कोरोनाको अगाडी हामी किन यति लाचार भयौ त ? प्रमुख उत्तर हुन् – आवश्यक तयारी नहुनु र निर्णय क्षमताको कमि I निश्चित रुपमा पूर्ववत महामारीले मानवजातिको शारीरिक, मानसिक, मनोवैज्ञानिक, सामाजिक, आर्थिक र सांस्कृतिक आदि विभिन्न आयामहरुमा जबर्जस्त प्रभाव पारेर अपुरणीय क्षति पुर्याएको कुरा सत्य हो, तथापी यस्ता महामारीहरुले मानव सभ्यतालाई केही हद सम्म महामारीहरु बिरुद्ध लड्ने ज्ञान, प्रविधि, कला र साहस सहितको बुद्धि पनि प्रदान गरेको कुरालाई नकार्न सकिदैन I अहिले नेपाल जस्तो विकाशसिल देशको त कुरै छोडौ, विकसित भनिएका देशहरुले पनि समयमा तयारी गर्न नसक्दा ठुलो क्षति व्यहोर्नु परेको कुरालाई नकार्न सकिदैन I

दोस्रो कुरा, महामारीमा सहि निर्णय तत्काल गर्नुपर्ने हुन्छI महामारीका बिरुद्ध रणनैतिक योजनाको खाँचो हुन्छ I यसका लागि निर्णय कर्ता, निर्णय कार्यान्वयनकर्ता र निर्णय पालनकर्ता सबैको महत्वपुर्ण भूमिका हुन्छ I निर्णय गर्न मा ढिलाई, कार्यान्वयनमा अलमल र पालनकर्तामा उदासीनता भयो भने महामारी समयमा नै नियन्त्रण गर्न गाह्रो हुन्छ I

कोरोनाको पहिलो लहर देखि दोस्रो लहर हुदै हाल तेश्रो लहर सम्म पुग्दा निर्णय सम्बन्धिका कुराहरुले पनि नेपाल जस्ता देशहरुलाई समयमा नै महामारी नियन्त्रण गर्न अप्ठ्यारो पारेको तथ्यलाई स्वीकार गर्नुपर्ने हुन्छ I

यी दुइ प्रमुख कारणहरु बाहेक हाम्रो देशको आर्थिक स्रोत साधनको कमि, तिन तहका सरकारहरुको एक आपसमा सहकार्य, समन्वय र संचारमा अपेक्षाकृत तालमेलको कमि, परिक्षणका लागि चाहिने नविनतम प्रयोगशाला प्रविधि तथा द्रुत परिक्षण किटहरुको सहि तथा समयानुकुल चयनको कमि, उपचारमा प्रयोग हुने चिकित्सीय साधनहरुको कमि साथै स्वास्थ्य जनशक्तिको कमि र उपलब्ध जनशक्तिको पनि सहि व्यवस्थापन एवं परिचालन गर्न नसक्दा कोरोना महामारी समयमा नै नियन्त्रण गर्न समस्या भएको हो भन्ने कुरालाई आत्मसात गर्नु आवश्यक छ।

के हामीले महामारी नियन्त्रणका लागि गरिसकेका र गरिरहेका प्रयास हरु साचिक्कै कमजोर थिए र छन् त ?

निश्चित रुपमा गरिएका प्रयासहरु सकारात्मक थिए र छन् । स्वास्थ्यकर्मीहरुले मानवताका खातिर डटेर काम गरेका छन् , संचारकर्मी लगायत अन्य सरोकारवाला निकायहरुको पनि अतुलनीय योगदान रहेको छ I दातृनिकायको पनि ठुलो भूमिका रहेको छ I राज्य अभिभावक भएको नाताले जन अपेक्षा अनुसार अझै थप काम गरि सीमान्तकृत जनता सम्म थप सेवा दिन अल्पकालीन र दीर्घकालीन योजना बनाएर कार्य गर्नुपर्ने हुन्छI

वर्तमानमा हामी कहाँ छौ?

ढिलोगरि भएपनि सिमा नाकामा हेल्थ डेस्कको सुरुवात संगै सिमा नाका व्यवस्थित गर्ने कामको सुरुवात भएको छ। आइसोलेसन र क्वारेन्टाइनको बारेमा चेतना जागेको छ I नवीनतम प्रयोगशाला प्रविधि दुर्गम ठाउँ सम्म बिस्तार भएका छन् I विश्वसनिय द्रुत परिक्षण बिधिहरुको पहुँच बढेको छ I अस्पतालहरुको क्षमता अभिविर्दी हुनुको साथै अस्पतालको विकास गर्नुपर्छ भन्ने भावना पलाएको छ I स्वास्थ्यमा जनशक्ति बढाउनुपर्छ भन्ने कुराको धारणा बिकास भएको छ I प्रभावकारी खोपहरुको पहुँच विस्तार भएको छ I कम्तिमा कोरोनाको संका लागेमा सजिलै जाँच गर्न सकिने र स्वास्थ्यमा जटिलता आइहालेमा चिकित्सीय सेवा दिन सकिने अवस्थामा हामी छौ I तथापी अझै गर्नुपर्ने धेरै बाँकी नै छ I

भविष्यमा के गरियो भने हामी हाम्रो समाजलाई , देशलाई र सम्पूर्ण विश्वलाई बढी सुरक्षित बनाउन सक्छौ ?

कोभिड-१९ को महामारी नियन्त्रण र क्षति न्यूनीकरणका लागि कार्य गर्दैगर्दा जनस्वास्थ्य समस्याका रुपमा भविष्यमा पनि देखिन सक्ने महामारीहरुको रोकथामका लागि हामी सबै आजै देखि लाग्नुपर्ने हुन्छ I त्यसका लागि तल उल्लेखित कुराहरुमा ध्यान पुर्याउनु आवश्यक छ:

१. सिमा नाकामा अस्थायी रुपमा संचालित हेल्थ डेस्क हरुलाई स्थाई रुपमा विकास गरि सिमा नाका व्यवस्थितगर्नु पर्दछ I प्रयोगशालाकर्मी र अन्य स्वास्थ्यकर्मीहरुको संख्या बढाई स्थाई दरबन्दी सिर्जना गरि द्रुत परिक्षण किट हरुको माध्यमवाट screening गर्ने कार्य लाई बढावा दिनुपर्छ I

२. आधारभूत सुविधा भएका क्वारेन्टाइन र आइसोलेसन केन्द्रहरुको विस्तार गरि स्थायीरुपमा विकास गर्नुपर्छ I

३. दुर्गम ठाउँ सम्म विस्तार भएका नवीनतम प्रयोगशाला प्रविधि जस्तै : PCR Lab हरुले दिने सेवा सम्बन्धित ठाउँको आवश्यकता अनुसार विभिन्न किसिमका रोगहरुको निदानका लागि सुचारु राख्नुपर्छ I ति प्रयोगशालाहरुमा विज्ञ व्यक्ति सहित आवश्यक जनशक्तिको समुचित स्थायी व्यबस्थापन गरिनुपर्छ I

४. जनस्वास्थ्य संग सम्बन्धित महामारी फैलाउन सक्ने रोगहरु को निदान का लागि नवीनतम विस्वसनीय द्रुत परिक्षणगर्ने साधन हरुको प्रयोग गर्ने र यस्ता साधनहरुको चयन र विकासमा ध्यान दिनुपर्ने I

५. अस्पतालहरुको क्षमता अभिवृद्धि र विकास गरिनुपर्ने I

६. चिकित्सक, नर्स, प्रयोगशालाकर्मी तथा अन्य स्वास्थ्य कर्मीहरुको संख्या बैज्ञानिक हिसाबले थप गर्नुपर्ने I

७. रोग निगरानी प्रणालीलाई बलियो बनाउने I

८. प्रभावकारी खोपको अध्ययन, अनुसन्धान र विकास गरिनुपर्दछ I साथै उपलब्ध खोपको पहुँच विस्तार गर्नुपर्छ I

९. मानव, पशुपन्छी र वातावरण स्वस्थ राख्नका लागि एक स्वास्थ्य अवधारणामा कार्य गर्ने I

यी बाहेक महामारी नियन्त्रणमा सबैको महत्वपुर्ण भूमिका हुने हुँदा आम जनताले पनि तोकिएका मापदण्डहरुको पालना गरि जिम्मेवार नागरिकको कर्तब्य पालना गर्नुपर्ने हुन्छ I

स्मरण रहोस, हामी सबै जना एकजुट भै धैर्य, शान्ति, प्रेम र भातृत्वको भावनाले अभिप्रेरित भएर विज्ञानको सहयोगले हाल चलिरहेको महामारी र भविष्यमा आउन सक्ने महामारीहरुलाई नियन्त्रण गर्न अवश्यमय सफल हुनेनै छौँ I

(कोभिड- १९ को सुरुवाति चरण देखि नै यसको रोकथाम, नियन्त्रण र निदानमा खटिनुभएका लेखक राम प्रसाद ओझा हाल प्रदेश जनस्वास्थ्य प्रयोगशाला, धनगढी, सुदूरपश्चिम प्रदेशमा निमित्त निर्देशकको रुपमा कार्यरत हुनुहुन्छ I)

Tags: Corona Virus #Covid19Health laboratory office dhangadhiRam prasad ojha
TechSansar.com - Technology Navigator website for Nepalese TechSansar.com - Technology Navigator website for Nepalese TechSansar.com - Technology Navigator website for Nepalese
Previous Post

चिकित्सा शिक्षा आयोगका उपाध्यक्ष डा. गिरी माथि आक्रमण #MedicalEducationCommision

Next Post

माघ महिनाभर बिद्यालय बन्द हुने सीसीएमसीको निर्णय

Related articles

World heart day dr sahadev dhungana
Articles

बिश्व मुटु दिबस २०२३ – मुल नारा Use Heart, Know Heart is Open Ended #WorldHeartDay

4 days ago
836
High blood pressure control dr amrit bogati
Health

उच्च रक्तचाप नियन्त्रण गर्ने यी हुन् १० सरल उपायहरु #HighBloodPressure

2 months ago
1.2k
लम्पि स्किन रोग नियन्त्रण गर्न गोट पक्स (goat pox) खोप समेत प्रयोग गर्ने सकिने
Disease

लम्पि स्किन रोग नियन्त्रण गर्न गोट पक्स (Goat Pox) खोप समेत प्रयोग गर्ने सकिने

2 months ago
787
Feed the future 9th national conference on food science and technology
Articles

दिगो विकास लक्ष्य प्राप्तिका लागि समतामूलक, उत्थानशील र दिगो खाद्य प्रणालीको आवश्यकता

3 months ago
781
डेंगु बिरुद्ध अझै पनि साबधानी अपनाऔं #dengue
Articles

डेंगु बिरुद्ध अझै पनि साबधानी अपनाऔं #Dengue

3 months ago
819
Sharad chandra ojha, status of medicinal industries in nepal
Articles

नेपालको संघिय संरचनामा औषधी उधोगहरु

3 months ago
777
Next Post
माघ महिनाभर बिद्यालय बन्द हुने सीसीएमसीको निर्णय

माघ महिनाभर बिद्यालय बन्द हुने सीसीएमसीको निर्णय

Leave a Reply Cancel reply

Your email address will not be published. Required fields are marked *

जनचेतनामूलक सन्देश (Public Awareness Message)

Rastriya beema company insurance
Dengue niyantran awareness message District Hospital Bajhang
Denguee awareness Shukraraj Tropical hospital
Dengue niyantran awareness message Bajhang Health Office
Magnus Solact
Magnus solact

स्वास्थ्य सूचनाहरु 👇

Dengue niyantran awareness message Lalitpur Health Office

सहयोगी सामाग्रीहरु

Spices medicinal usagesSpices medicinal usages
Dr Mukunda Jha Kids thumb sucking problemDr Mukunda Jha Kids thumb sucking problem
Dr. Nitesh aryal हैजा तथा झाडापखालाबाट बच्न यी १० वटा उपायहरु जानी राखौंDr. Nitesh aryal हैजा तथा झाडापखालाबाट बच्न यी १० वटा उपायहरु जानी राखौं

स्वास्थ्य पोडकाष्ट (HNN Podcast)

Health News Nepal

HealthNewsNepal.com (Health News Nepal) is an attempt to bring authentic medical and health news updates and information, and wellness tips, tricks, and services from within Nepal and sometimes beyond. Read more about us here.

अनामनगर, काठमाडौ, नेपाल
+९७७-९८४८८५११२२

सूचना विभाग दर्ता नं : २८९९-२०७८/७९

सम्पादक: नम राज भट्ट
आई.सि.टि. फर मिडिया प्रा. लि.
भ्याट: ६०९८६८१७५
कम्पनी इमेल: [email protected]

Spices medicinal usagesSpices medicinal usages
Dr. Tirtha Raj Bhandari Migraine articleDr. Tirtha Raj Bhandari Migraine article
Dr. Nitesh aryal हैजा तथा झाडापखालाबाट बच्न यी १० वटा उपायहरु जानी राखौंDr. Nitesh aryal हैजा तथा झाडापखालाबाट बच्न यी १० वटा उपायहरु जानी राखौं
Dr Mukunda Jha Kids thumb sucking problemDr Mukunda Jha Kids thumb sucking problem

Connect With Us

CATEGORIES

  • Articles (98)
  • Disease (104)
  • English (43)
  • Fitness (26)
  • Health (184)
  • Lifestyle (55)
  • News (2,145)
  • Nutrition (38)
  • Research & Study (50)
  • Weight Loss (25)

Health News Nepal 2023 © HealthNewsNepal.com - delivering public health sector news, updates, information and insights in Nepal.
Published by ICT For Media Pvt Ltd (DOI reg #2899-2078/79, VAT #609868175, Editor: Nam Raj Bhatta.)
Health News Nepal is hosted in the cloud and powered by TechSansar.com.

  • Preeti font to Nepali Unicode Converter
  • Advertise with us
  • Submit News
  • Contact
  • About
  • Terms
  • Privacy
  • Accessibility
No Result
View All Result
  • Home
  • News
  • Health
  • Nutrition
  • Disease
  • Articles
  • Research & Study
  • 🔥 डेंगी

Health News Nepal 2023 © HealthNewsNepal.com - delivering public health sector news, updates, information and insights in Nepal.
Published by ICT For Media Pvt Ltd (DOI reg #2899-2078/79, VAT #609868175, Editor: Nam Raj Bhatta.)
Health News Nepal is hosted in the cloud and powered by TechSansar.com.

Welcome Back!

Login to your account below

Forgotten Password?

Retrieve your password

Please enter your username or email address to reset your password.

Log In
 

Loading Comments...