काठमाडौं, ०६ बैशाख २०७९
नेपालले आज औपचारिक रुपमा विश्व स्वास्थ्य संगठन र अन्य साझेदारहरु सँग मदिराबाट हुने क्षति तथा मृत्युको रोकथाम र न्यूनीकरणका लागि मदिरा नियन्त्रण पहल – सेफर कार्यान्वयन शुभारम्भ गरेको छ।
टेकु स्थित राष्ट्रिय स्वास्थ्य तालिम केन्द्रमा भएको स्वास्थ्य तथा जनसंख्या राज्यमन्त्री भवानी प्रसाद खापुङ ज्यूको प्रमुख आथित्यमा कार्यक्रम शुरु भएको हो।
राष्ट्रिय स्वास्थ्य शिक्षा तथा सुचना केन्द्रका निर्देशक सुनिल राज शर्माले मदिरा नियन्त्रण तथा रोकथामका लागि सेफर इनिसिएटिभको उदेश्य माथि प्रकाश पार्नु भएको थियो।
नेपालको मदिरा नियन्त्रणमा प्राथमिकता अनुरुपका कम लागत तथा प्रभावकारी रणनीति र कार्यक्रमहरुको कार्यान्वयन तिब्रता दिइने भएको शर्माले बताए।
विश्व स्वास्थ्य संगठन र साझेदारहरुले सरोकारवाला सँगको परामर्श र समीक्षा मार्फत चुनौती तथा अवसरहरूको पहिचान गरी मदिरा नियन्त्रणमा कम लागत तथा प्रभावकारी पहलहरुको कार्यान्वयनलाई सुदृढ बनाइने डब्लुएचओका डा. गाम्पो दोर्जीले बताए।
नेपाल सरकार र सेफर इनिसिएटिभले एक मेसिनको रुपमा सँयुक्त रूपमा काम गर्ने र मेसिनले विशेष गरी मदिराको मूल्य निर्धारण र कर नीति, इजाजतपत्र, बितरण र मदिराको बिक्री, मदिरामा व्यापारिक प्रचार नियमन, मदिरा र सवारी नीति, प्रारम्भिक पहिचानका लागि स्वास्थ्य सेवाहरू र मदिराबाट हुने स्वास्थ्य समस्याको उपचार पहल लगायत सम्बन्धि मन्त्रालयहरु सँग सहकार्य गरेको प्रेस विज्ञप्तिमा जनाइएको छ
नेपाल सरकारले नसर्ने रोगहरुको रोकथाम र नियन्त्रणका लागि बहुक्षेत्रीय कार्य योजना २०२१- २०२५ द्वारा निर्देशित प्राथमिकताका पहलहरुको विकास र कार्यान्वयनलाई सुदृढ पार्न सेफर इनिसिएटिभ र स्थानीय, राष्ट्रिय तथा अन्तर्राष्ट्रिय साझेदारहरु सँग काम हातेमालो गर्दै अगाडी बढ्नुपर्नेमा राज्यमन्त्री भवानी प्रसाद खापुङले बताए।
विश्व स्वास्थ्य संगठनले नेपालमा मदिराको हानिकारक प्रयोग लाई कम गर्न मा उल्लेखित मदिरा नियन्त्रका प्राथमिकताहरू, विश्व स्वास्थ्य संगठनको नसर्ने रोग सम्बन्धि विश्वब्यापी कार्ययोजना २०१३-२०२० र दिगो विकास लक्ष्यहरू अनुरुपको प्रमाणको आधारित र कम लगानीका प्रभावकारी पहलहरुको कार्यान्वयनका लागि सहयोग हुने स्वास्थ्य सेवा विभागका महानिर्देशक डा. दिपेन्द्र रमण सिंहले बताए।
उहाँले, यो शुरुवातलाई सर्वपक्षले आ- आफ्नो क्षेत्रबाट जिम्मेवारीका साथ अगाडी बढ्नुपर्ने देखिन्छ।
