काठमाडौं, ११ असार २०८२
सुषमा कोईराला मेमोरियल अस्पतालले मुगु जिल्लाको छायाँनाथ रारा नगरपालिका, खत्याड गाँउपालीका, सोरु गाँउपालिका, मुगम कामारोग गाँउपालिकामा डा. मनोहर कृण्ण यादव, डा. सुवाष चौलागाई तथा विवेक कार्कीको नेतृत्वमा एक हप्ता निःशुल्क जलन उपचार शिविर गरेको छ।
जलनमा परेर अंगभंग भएका तथा जन्मजात अंगभंग भएका ८६ जना बिरामीहरुलाई निःशुल्क रुपमा थप उपचारको लागी सुषमा कोईराला मेमोरियल अस्पताल काठमाण्डौमा रिफर गरिएको हो ।
उपचारको लागि रिफर गरिए पनि आर्थिक अभावका कारण काठमाडौं आउन जान लाग्ने खर्च तथा खान बस्न लाग्ने खर्चको अभावले गर्दा बिरामीहरु उपचारको लागि आउन असंम्भव रहेको बिरामीका आफन्त मार्फत जानकारी आएको छ। सो जानकारी आएपछि सुषमा कोईराला मेमोरियल अस्पतालको पहलमा ईन्टरप्लास्ट नेपालले बिरामीको आउने जाने यातायात खर्चका साथै व्याक टु लाईफ संस्थाले बिरामीको खाना खर्च व्यहेरिदिने व्यवस्था गरेर बिरामीहरुलाई उपचारको लागी सहयोग गरेको छ। जसमा रिफर भएका बिरामीहरु मध्ये २० जनाले काठमाडौं आएर थप उपचार लिएका छन् ।
रिफर भएर उपचारका लागी काठमाडौं आएका बिरामीहरुले आर्थिक अभावका कारण उपचार गराउन नसकेकोमा ईन्टरप्लास्ट नेपाल, व्याक टु लाईफ , तथा सुषमा कोईराला मेमोरियल अस्पताल ले यसरी यातायात खर्च सहित खान बस्ने तथा निःशुल्क उपचार मिलाईदिएकोमा खुसी व्यक्त गरेका थिए ।
ईन्टरप्लास्ट नेपालका अध्यक्ष डा. सन्तोष विक्रम भण्डारीले उपचारको लागी यातायात खर्च, निःशुल्क खान बस्ने तथा निःशुल्क उपचारको व्यवस्था गराउदा समेत बिरामीहरु उपचारको लागी नआउनुमा दुख व्यक्त समेत गर्नु भएको थियो ।
ईन्टरप्लास्ट नेपालले जलन रोकथाम सम्बन्धी बिभिन्न तालिम हरु तथा जलनमा परेका बिरमाीहरु लाई सहयोग गर्नुका साथै नेपालकै पहिलो जलन अस्पताल सुषमा कोईराला मेमोरिय अस्पताललाई सहयोग गदै आएको छ ।
ईन्टरप्लास्ट नेपालले सुषमा कोईराला मेमोरियल अस्पताल तथा राष्ट्रिय स्वास्थ्य तालिम केन्दले आयोजना गरेको जलन सम्बन्धी तालिमहरुलाई सहयोग समेत गदै आईरहेको छ ।
