जलबिरे प्राथमिक स्वास्थ्य केन्द्रमा एक दिने मोतिबिन्दुको निशुल्क शल्यक्रिया शिविर सम्पन्न

सिन्धुपाल्चोक, १८ असार २०८२

जनस्वास्थ्य कार्यालय सिन्धुपाल्चोकको सहयोगमा जलबिरे प्राथमिक स्वास्थ्य केन्द्रमा एक दिने मोतिबिन्दुको निशुल्क शल्यक्रिया शिविर सम्पन्न भएको छ।

असार १५ र १६ गते गरेको निःशुल्क मोतिबिन्दुको शल्यक्रिया शिविरमा बलेफी गाउँपालिका र जुगल गाउँपालिका गरी जम्मा ३५ जना बुबा आमाहरुको सफल शल्यक्रिया भएको जनस्वास्थ्य कार्यालय प्रमुख दुर्गा बजगाइले बताइन।

मोतिबिन्दु शल्यक्रियाको लागि तिलगंगा आँखा अस्पतालबाट चिकित्सक टोलीको सहभागिता रहेको थियो।