दार्चुला , २० माघ २०७७
स्वास्थ्य कार्यालय दार्चुलाले हात्तीपाईले रोगको वस्तुस्थिति थाहा पाउन जिल्ला भरि नै Morbidity Mapping को काम गर्ने अभियान थालेको कुरा मालिकार्जुंन गाउपालिकाको केन्द्र पश्तिमा स्वास्थ्यकर्मीहरुको लागि आयोजना गरिएको एक दिने अभिमुखिकरण कार्यक्रममा जानकारी दिइएको छ ।
नेपालमा सन् २०१६ बाट हात्तीपाईले रोगको Morbidity mapping र Disability Prevention को काम कंचनपुर र धादिङ जिल्लाबाट शुरु भएको थियो र हाल सम्म Morbidity mapping र Disability Prevention २५ वटा जिल्लामा सम्पन्न भैसकेको छ ।
चालु आर्थिक बर्षमा थप १८ वटा जिल्लामा Morbidity mapping र Disability Prevention को काम गरिने गरि नेपाल सरकारले कार्यक्रम तय गरे बमोजिम सुदूरपश्चिम प्रदेशको दार्चुला जिल्लामा Morbidity mapping सम्बन्धिको काम शुरु गरिएको हो । यसमा खास गरि समुदायमा हात्तीपाईले जस्तो गम्भीर समस्याबाट प्रभावित , अन्डकोष सुन्निएका व्यक्तिहरु , अन्य अंगहरु जस्तै हात, खुट्टा र स्तन सुन्निएका मानिसहरुको लगत संकलन गरिने , लगत संकलन पछी उनीहरुको स्वास्थ्य समस्या समाधानको लागि प्रभावित स्वयम्लाई Self Care का बारेमा सिकाउने र अन्डकोष सुन्निएका हरुको निशुल्क सर्जरी गर्ने गरि थप ब्यबस्थापनको काम स्वास्थ्य सेवा प्रणाली मार्फत गरिन्छ । सोहि उद्देश्य पुरा गर्नको कार्यक्रम गर्न थालिएको कुरा स्वास्थ्य कार्यालय दार्चुलाका प्रमुख श्री जय राज भट्टले बताउनु भएको छ ।
Morbidity mapping र Disability Prevention सम्बन्धिको काम सम्पन्न गर्न जिल्लाका नौ पालिका करिब ३०० स्वास्थ्य कर्मी र जिल्ला भरिका ३७९ जना महिला सामुदायिक स्वास्थ्य स्वयमसेविका हरुलाई एक दिने तालिम दिने र त्यस पछी ३ दिन सम्म महिला सामुदायिक स्वास्थ्य स्वयमसेविका हरुलाई हरेक घर सम्म पुग्ने गरि सर्भेक्षण गरिने सोहि सर्भेक्षणको दौरान फेला परेका बिरामीहरुको लगत संकलन गरि स्वास्थ्यकर्मी बाट प्रमाणीकरण भए पश्चात जिल्ला भरिको हात्तीपाईलेको वस्तुस्थिति थाहा पाउन कार्ययोजना तयार गरिएको कुरा स्वास्थ्य कार्यालय दार्चुलाका ल्याब टेक्नेसियन निरीक्षक श्री बिष्णु चौधरीले जानकारी दिनु भयो ।
