काठमाडौं, २ साउन २०८१
साउन १ गते देखि १० वटा निजी मेडिकल कलेज तथा शिक्षण अस्पताल र २ वटा आँखा अस्पताल लागेर १२ ठाउँबाट स्वास्थ्य बीमा अन्तरगत सेवा दिन शुरु गरेका छन्।
स्वास्थ्य बीमा बोर्डसंग भएको सम्झौँता अनुसार नै यी संस्थाले १ गते देखि लागू गरेर स्वास्थ्य बीमा कार्यक्रम सञ्चालनमा ल्याएका हुन् ।
स्वास्थ्य बीमा बोर्डका अनुसार सेवा दिने गरी स्वास्थ्य बीमा कार्यक्रम लागू भएका ती अस्पतालहरुमा काठमाडौँ मेडिकल कलेज टिचिङ हस्पिटल (केएमसी अस्पताल) सिनामंगल काठमाडौँ, मनमोहन मेडिकल कलेज शिक्षण अस्पताल सितापाइला काठमाडौँ, नेपाल मेडिकल कलेज शिक्षण अस्पताल जोरपाटी र किष्ट मेडिकल कलेज टिचिङ हस्पिटल ग्वार्को रहेका छन्।
यस्तै उपत्यका बाहिरका मेडिकल कलेजहरुमा बीएण्डसी मेडिकल कलेज शिक्षण अस्पताल झापा, नोबेल मेडिकल कलेज टिचिङ हस्पिटल बिराटनगर, बिराट मेडिकल कलेज शिक्षण अस्पताल बिराटनगर, चितवन मेडिकल कलेज शिक्षण अस्पताल भरतपुर, देवदह मेडिकल कलेज खैरेनी रुपन्देही र नेपालगञ्ज मेडिकल कलेज बाँके रहेका छन्।
यस्तैगरी स्वास्थ्य बीमा सञ्चालन हुने दुई वटा आँखा अस्पतालहरुमा बिर्ताज्योति आईकेयर प्रालि झापा र दृष्टि आई अस्पताल पोखरा रहेका छन्।
