रौतहट, १८ जेठ २०७८
छाया नेपाल नामक संस्थाको सहयोगमा रौतहटका विभिन्न कोभिड अस्पतालहरूको लागि स्वास्थ्य सामाग्री हस्तान्तरण गरिएको छ ।
जिल्लामा बढ्दो क्रममा रहेको कोरोना महामारी न्यूनीकरणका लागि प्रयोग हुने विभिन्न स्वास्थ्य सामग्री हस्तान्तरण गरिएको राजेश शाहले बताउनुभयो। सो संस्थाले गौर अस्पताल रौतहटले संचालन गरेको कोभिड १९ को वार्ड अस्पतालको लागि १० बेड सेट, २५ थान पिपिइ सेट,सर्जिकल मास्क २५ थान, डिजिटल थर्मामिटर ४ थान र अक्सि मिटर ३ थान हस्तान्तरण गरिएको शाहले जानकारी दिनुभयो ।
सो स्वास्थ्य सामाग्री जिल्ला अस्पताल रौतहटका मेडिकल सुपरिटेन्डेन्ट डा. कृष्ण शाह नायव सुब्बा रामअश्रे मुखिया लाई उक्त सामग्री हस्तान्तरण गर्नुभएको थियो ।
कोरोना एक महामारी भएकाले यसलाई परास्त गर्न सरकार र जनस्तरबाट उत्तिकै पहल हुनुपर्नेमा जोड दिदैं डा. साहले संकटको बेला सबै मिली हातेमालो गर्दै अगाडी बढेमा मात्र सफलता पाइने बताउनुभयो।
त्यसैगरी सो संस्थाले रौतहट, बारा, दाङ, नेपालगन्ज लगायतका जिल्लामा सहयोग गरी हस्तान्तरण गर्नुभएको छायाँ नेपालका कार्यकारी निर्देशक कमल थापाले बताउनु भएको छ ।
