धनगढी, १० माघ २०७७
प्रदेश सरकार , सुदूरपश्चिम प्रदेश , सामाजिक बिकास मन्त्रालय , स्वास्थ्य निर्देशनालय राजपुर डोटीको आयोजनामा धनगढीमा स्वास्थ्यकर्मीहरुको लागि सर्पदंशको उपचार पद्धति सम्बन्धि तालिमको आयोजना गरिएको छ ।
सेती प्रादेशिक अस्पताल , महाकाली अस्पताल , टिकापुर अस्पताल , मालाखेती अस्पताल , जोगबुढा अस्पताल र कैलाली र कंचनपुर जिल्लामा रहेका प्राथमिक स्वास्थ्य केन्द्र हरुबाट चिकित्सक र पारामेडिक्स गरि २४ जना भन्दा बढीको सहभागिता गराई सुदूरपश्चिम प्रदेश , सामाजिक बिकास मन्त्रालय , स्वास्थ्य निर्देशनालय राजपुर डोटीले माघ १० गते देखि तिन दिन सम्म सर्पदंश उपचार पद्धति सम्बन्धि तालिम आयोजना गरि तालिममा सहभागी हुन् आएका चिकित्सक र अन्य पारामेडिक्सको क्षमता अभिबृद्धि हुने गरि कार्यक्रम संचालन भएको छ ।
नेपालमा तराईका २६ जिल्लामा सर्पको टोकाईको घटना बढी हुने , सर्पको टोकाईको कारणले मानिसहरुको अकालमा ज्यान जाने र सर्पको टोकाईको उचित ब्यबस्थापन हुन नसक्दा पनि मानिसहरुको ज्यान जान सक्ने विद्यमान अवस्था रहेको छ । त्यसै गरि सुदूरपश्चिम प्रदेशमा पनि सर्पको टोकाईको कारणले मानिसहरुको ज्यान गईरहेको हुनाले सर्पको टोकाईको घटना हुनबाट बचाउन , सर्पको टोकाई भै सके पछी पनि उचित ब्यबस्थापनको लागि चिकित्सक र पारामेडिक्सको ज्ञान , सिप , क्षमता बढाउनको लागि यस प्रकारको तालिम आयोजना गरिएको कुरा कार्यक्रमको उद्घाटन सत्रको प्रमुख अतिथि तथा सामाजिक बिकास मन्त्रालय धनगढी कैलालीका सचिव श्री रघुराम बिष्टले बताउनु भएको छ ।
नेपालमा बर्षेनी करिब २० हजार मानिस सर्पदंशबाट प्रभावित हुने र करिब १ हजारको हाराहारीमा मृत्यु समेत हुने गरेको तथ्यांक विश्व स्वास्थ्य संगठन बाट प्रस्तुत हुने गरिएको छ । कतिपय बिरामीहरु अस्पताल नै नपुगी झारफुक तिर लाग्ने , कतिपय अस्पताल लैजादै गर्दा बाटोमा मृत्यु हुने र केहि बिरामीहरु अस्पताल पुगिसके पछी पनि मृत्यु हुने बर्तमान अवस्था रहेको हुनाले यस प्रकारको अकालमा हुने मृत्यु बाट जोगाउन र सर्पदंशको बिरामिको उचित ब्यबस्थापनको लागि बिभिन्न अस्पताल र प्राथमिक स्वास्थ्य केन्द्रहरुबाट सहभागी बोलाइ तालिम आयोजना गर्नु परेको र नेपाल सरकारले लिएको लक्ष्य अनुसार सन् २०१९ को तुलना मा सन् २०३० सम्ममा सर्पदंशबाट मृत्यु हुनेको संख्या आधाले घटाउने भएको हुनाले सो लक्ष्य परिपूर्तिको लागि समेत स्वास्थ्यकर्मीहरुलाई तालिम दिन लागिएको कुरा सुदूरपश्चिम प्रदेश स्वास्थ्य निर्देशक डा. गुणराज अवस्थीले बताउनु भएको छ ।
साथै उँहाले सर्पदंश Neglected Tropical Disease को Category रहेको भए पनि सुदूरपश्चिम प्रदेशले यसलाई प्राथमिकता राखी स्वास्थ्यकर्मीहरुलाई तालिम दिन संघीय सरकारले रकम बिनोयोजन गरेको बाहेक पनि प्रदेश सरकारले रु १० लाख बजेट बिनियोजन गरेको कुरा उल्लेख गर्नु भएको छ ।
तालिम कार्यक्रममा Nepal Toxinology Association का अध्यक्ष तथा नेपालमा सर्पदंशको टोकाईको उपचारका बिज्ञ डा. छबिलाल थापामगर , Nepal Toxinology Association कै कार्यकारी निर्देशक श्री कमल देवकोटा लगायतकाले प्रशिक्षण गरिरहनु भएको छ ।
