काठमाडौं, ३० जेठ २०८२
अनेरास्ववियुको २४ औं महाधिवेशनबाट अध्यक्षमा डा. सुजन कडरिया निर्वाचित भएका छन्।
डा. कडरियाका प्रतिद्वन्द्वी प्रकाश पौडेललाई ७ मतले पछि पार्दै निर्वाचित भएका हुन्। कडरियाले ७३२ मत ल्याएर अध्यक्ष जित्दा पौडेलले ७२५ मत ल्याए।
मतगणनाका क्रममा उनीहरूबीच कडा प्रतिस्पर्धा भएको थियो। कीर्तिपुरमा जारी सम्मेलनमा बिहीबार विद्युतीय मतदान भएको थियो।
अध्यक्ष पदको लागि दुवै जना प्यानल सहित मैदानमा उत्रिएका थिए। कडरियाको प्यानल अध्यक्ष मण्डलकै तर्फबाट प्रस्ताव भएको थियो।
त्यस्तैगरी, महासचिवमा दीपक धामी निर्वाचित भएका छन्। धामी पनि कडरियाकै प्यानलबाट महासचिवका उम्मेदवार थिए।
यस्तै उपाध्यक्षमा अञ्जना सिवाकोटी, उपमहासचिवमा विकास श्रेष्ठ, सचिवमा कमल जोशी, आकाश घर्ती, रचना सापकोटा, समिम बाबु, गोपाल नेपाल र आयोग अध्यक्षमा प्रकाश बिष्ट, सुमन घिमिरे, जित प्रसाद सिटौला रहेका छन्।
त्यस्तै डा. पुष्पराज भाम खुल्ला सचिवालय सदस्यमा विजयी भएका छन्।
