चितवन, बैशाख २०७७
अहिले कोरोना कोभिड -१९ को महामारीको बेला क्यान्सरका बिरामीको उपचारमा चुनौती थपिएको छ। क्यान्सरका बिरामीहरुको रोग संग बिशेष गरेर ब्लड क्यान्सर भएका बिरामीको उपचारमा चुनौती छ। कतिपय ल्याब सेवाहरु नेपालमा नभएको र छिमेकी देश भारतमा नमूना पठाउन नसकी रोग यकिन गर्न गाह्रो रहेको छ।हामी संग बिश्वसनियता र भरपर्दो गुणस्तरीय सेवा नभएकोले ब्लड क्यान्सर लगायत कतिपय Solid Tumor को Molecular जाँच नभई उपचार सुरु गर्न सकिँदैन। महामारीको अति उच्च जोखिमको समयमा हामी सबै नेपालीहरु सुरक्षित भएर बस्न जरुरी छ र काेराेना भाइरस (काेभिड-१९) काे अति उच्च जोखिममा स्वास्थ्यकर्मी रहेकाे डा. कृष्ण सागर शर्माले बताएका छन् ।
कोरोनाको अति विभिन्न हेल्थ डेस्कदेखि अस्पतालमा कोरोना रोकथाम तथा नियन्त्रणका लागि खटिएका स्वास्थ्यकर्मीहरू जोखिम मोलेर चेकजाँच गरिरहेका छन् । अस्पतालले केहि स्वास्थ्य सामाग्री उपलब्ध गराएपछि पछि केही ढुक्क भएकाे डा शर्माले बताए ।नेपालको सन्दर्भमा अस्पतालमा रहने चिकित्सक , स्वास्थ्यकर्मी देखि ल्याब र औषधि बिक्रिता तथा अस्पतालसँग प्रत्यक्ष अप्रत्यक्ष जोडिएका सबैजनाले साबधानी अपनाउन जरुरी हुने बताए।
डा. शर्माले भने- ‘अहिलेसम्म स्वास्थ्यकर्मीलाई सरेको छैन जुन राम्रो पक्ष हो । हामीले अस्पतालमा जाँच तथा उपचारका लागि आएका बिरामीको स्वास्थ्य जाँच गर्दा सावधानी अपनाइरहेका छौँ । र त्याे अत्यावश्यक पनि छ । नत्र हेलचेक्राईँ गर्ने हो भने एकैपटक स्वास्थ्यकर्मीहरुले भयानक दुर्घटना बेहोर्नुपर्ने हुन्छ ।’
‘विश्वभर संक्रमित र मृतकको संख्या बढिरहेका बेला अस्पतालका चिकित्सक तथा नर्स सबैभन्दा बढी असुरक्षित छन् । बिरामीबाट सरेको संक्रमणबाट चिकित्सकले दिनहुँ आफ्ना सहकर्मी गुमाइरहेका छन्, तथापि उनीहरू बिरामीको उपचार गर्ने धर्मबाट पछि हटेका छैनन् । संक्रमणकै कारण अमेरिका ,इटाली, स्पेन, फ्रान्स, चीन लगायत छिमेही मुलुकहरूका दर्जनाैंँ चिकित्सकको मृत्यु भइसकेको छ, र हजारौँ स्वास्थ्यकर्मी संक्रमित छन् । आफ्ना चिकित्सक तथा नर्सलाई संक्रमणबाट जोगाउन हम्मेहम्मे परेको छ । त्यसैले हामी पनि ढुक्क हुने बेला हाेइन’ डाक्टर शर्माले भने ।
डा. शर्मा भन्छन्- ‘हामीसँग पनि अस्पतालमा आवश्यक स्वास्थ्य सामाग्रीहरु लिमिटेड छ । त्यसलाई समूचित ढंगले कसरी प्रयोग गर्ने भन्ने कुरामा चुनौती छ । अस्पतालमा कोरोनासँग मिल्दोजुल्दो रोगका लक्षण भएका बिरामी आएका उपचारमा खटिने स्वास्थ्यकर्मीले कोरोनको बिरामी हुन सक्छ भनेर सतर्कताकासाथ जाँचमा संलग्न हुनुपर्छ । जसले हामीलाई यदि कोरोनाको बिरामी भएको खण्डमा पनि सुरक्षित उपचार गर्न सजिलो हुन्छ । आशंकामा रहेका काम गर्दा सचेत बनाउँछ ।’
यतिबेला हामी कोरोनाविरुद्धको युद्धमा खटिएका छाैं । कोरोनाको संक्रमणबाट बच्ने उपाय भनेको विश्वभर नै लकडाउन र सामाजिक दूरी नै हो । यसमा हामी सबैले अनुशासित भएर पालना गर्नुपर्दछ । नेपालका चिकित्सक, नर्स तथा स्वास्थ्यकर्मीले उच्च मनाेबलका साथ काम गरिरहेका छन् । आफ्नो ज्यानको प्रवाह नगरी जोखिम सामना गरेर स्वास्थ्यकर्मी खटिएका छन् । तर, नागरिकले पनि त्याे कुरा बुझिदिएर अनुशासित ढंगले लकडाउकाे पालन गरिदिनभयाे भने हामी करीब करीब राेकथामकाे नजिक नजिक छाैं ।
विश्वव्यापी महामारीका रुपमा फैलिएको कोरोना भाइरसको संक्रमणबाट चिकित्सकहरु पनि अछुतो रहेका छैनन् । मुख्य रुपमा चिकित्सकहरुले नै संक्रमितको उपचार गर्नुपर्ने तथा उनीहरुको ज्यान बचाउनुपर्ने अवस्थामा चिकित्सकहरु समेत असुरक्षित देखिन थालेका हुन् । तर नेपालमा भने त्यो अवस्था छैन । तर जोखिम भने कम छ सकिदैन । त्यसैले सम्बन्धित निकायको ध्यान जानू आवश्यक छ। ब्लड क्यान्सरको बिरामीलाई लामो समय सम्म उपचार बिना राख्न नसकिने हुनाले उपचार नपाई ज्याने खतरा बढेको छ।
हाल : डा.कृष्ण सागर शर्मा वीपी मेमोरियल क्यान्सर अस्पतालका विभागीय प्रमुख तथा कोरोना भाइरसको नमूना परीक्षणका लागि स्थापित प्रयोगशाला स्थापना तथा संचालन उप समितिका संयोजक हुनुहुन्छ।
