काठमाडौं, १२ मंसिर २०७७
६७ औं राष्ट्रिय क्षयरोग नियन्त्रण दिवस विश्वव्यापी रुपमा फैलिएको कोभिड कोरोना भाईरसले आर्थिक, सामाजिक, शिक्षा स्वास्थ्य क्षेत्रमा ठूलो असर परेको छ ।
नेपालमा लामो समयको लकडाउन, निषेधाज्ञाले गर्दा नियमित उपचार गर्न पाएका छैनन । क्षयरोग र कोभिडको लक्षण उस्ता उस्तै रहेको र अहिले स्वास्थ्य संस्था प्राय सबै कोभिड उपचारमा केन्द्रीत भएकोले अरु रोगका विरामीहरु समयानै उपचार पाईराखेका छैनन ।
क्षयरोगले नेपालमा दैनिक १५ जनाको मृत्यु हुने गरेको राष्ट्रिय क्षयरोग प्रतिवेदन २०१९ देखाएको छ । आगामी दिनमा क्षयरोगबाट मृत्यू हुने दर बढ्ने निश्चित छ किनभने कोभिडको डर र जोखिमले विरामीहरु उपचार गर्न स्वास्थ्य संस्था गईराखेका छैनन भने स्वास्थ्य संस्थाले पनि नियमित सेवा दिईराखेका छैनन । क्षयरोग बिरामीहरु कोभिड उच्च जोखिममा रहेका छन्। मानिसहरुले लक्षण देखिएको पछि कोरोना परिक्षण गर्दछन यदि नेगेटिभ आयो भने अरु परिक्षण गर्दैनन तर कोभिड को जस्तै लक्षण क्षयरोग लागेका बिरामीहरुको पनि भएकाले क्षयरोग र कोभिडको परिक्षण संग सगैं लानु जरुरी छ ।
नेपालमा विगत ६७ वर्ष अघि स्थापना भई क्षयरोग नियन्त्रण, निवारणमा सक्रिय अग्रणी यस सामाजिक संस्थाले प्रत्येक वर्ष मंसिर १३ गते राष्ट्रिय क्षयरोग नियन्त्रण दिवस मनाउने गरेको छ । प्रत्येक वर्ष संस्थाले सभा, अन्तरक्रिया गोष्ठि अभिमुखीकरण कार्यक्रम गर्ने गरपनि यस वर्ष कोभिडको जोखिमको कारणले रेडियो टि.भिमा सोसल मिडिया, मोबाइल सन्देश, मा प्रचार प्रसार विरामीहरुलाई न्यानो कपडावितरण, मास्क वितरण गरि मनाउन गईरहेका छौ ।
उक्त दिवसको यस वर्षको नारा क्षयरोगीलाई उपचार र अधिकारको सुनिश्चितता, क्षयरोग नियन्त्रण आजको आवश्यकता रहेको छ। संस्थाले क्षयरोग उपचारको लागि ओ.पि.डि , टि.बि अस्पताल, खकार परिक्षण गर्न जेनेटप टि.बि ल्याब ,जिन एक्सपर्ट परिक्षण सेवा, एक्स रे जनरल ल्याब, डटस सेवा संचालन गरिराखेको नेपाल क्षयरोग निवारण संस्थाका निमित्त कार्यकारी अधिकृत रामकाजी कार्कीले जानकारी दिनुभयो।
