डडेल्धुरा , २२ असार
सुदूरपश्चिम प्रदेशको मुख्य बिन्दुमा रहेको डडेल्धुरा अस्पतालमा पि.सि.आर ल्याबको औपचारिक सुरुवात गरेको छ। आज डडेलधुरा अस्पतालमा पिसिआरको लागि सहयोग गर्ने हयुमिनिटी फाउन्डेसन लगायत अस्पताल युनियन कर्मचारीहरुलाई कदर प्रमाणपत्रका साथ सम्मान गरिएको अस्पतालका अध्यक्ष करुणाकर ओझाले जानकारी दिएका छ्न ।
हयुमनिटि फाउन्डेसन नेपालको सहयोगमा जनस्तरबाट रकम संकलन गरि डडेल्धुरामा ल्याब स्थापना गरिएको हो । हयूमनिटी फाउन्डेसनलाई कदर पत्र अस्पतालका अध्यक्षले दिनु भएको छ र साथ फाउन्डेसनलाई सहयोग गर्नुहुने अस्पताल बिकास समिति कर्मचारी युनियन लगायतलाई कार्यक्रम आयोजकले सम्मान पत्र प्रदान गरेको छ। यस ल्याबमा परिक्षण भने औपचारिक स्थापना हुनु भन्दा पहिले भैसकेको छ।
सम्मान कार्यक्रमका बिच पि.सि.आर मेसिन डडेल्धुरा हयुमनिटि फाउन्डेसन नेपालका प्रमुख र जिल्ला समन्वय प्रमुखले ब्यानर बाचन गरि औपचारिक रुपमा उद्घाटन भएको अस्पताल प्रशासनका कर्मचारी रमेश भट्टले बताए । आइतबार डडेल्धुरा अस्पतालको प्रयोगशालामा गरिएको परीक्षणमा आइतबार तीन जनामा कोरोना संक्रमण पुष्टि भएको छ।
७६ स्वाबका नमूनामध्ये तीन जनामा कोरोना संक्रमण पुष्टि भएको प्रयोगशालाका इञ्चार्ज ईश्वरी भुसालले बताएका थिए । संक्रमण पुष्टि भएका तीनै जना डडेल्धुराका बासिन्दा रहेका छन्।
ह्युमानिटी फाउण्डेसन नेपाल र सुदूरपश्चिम समाज अमेरिकाको सहयोगमा डडेल्धुरा अस्पतालमा पिसीआर मेसिन स्थापना भएको हो।
