काभ्रे , ५ जेठ २०७८
पाँचखाल नगरपालिकाका जनताका लोकप्रिय मेयर महेश खरेल आइसोलेसन सेन्टरमा रहेका कोरोना संक्रमित बिरामीहरुको लागि अक्सिजन सिलिन्डर बोकेर सहयोग गरिरहेका छन्।
पाँचखाल नगरपालिकाका विभिन्न ग्यारेजहरुबाट र वडा नं ४ मा बसोबास गर्ने व्यक्तिहरुका घरबाट पाचँखालमा रहेका कोरोना संक्रमित बिरामीहरुको उपचारका लागि अक्सिजन सिलिन्डर कलेक्सन गरेर सहयोग गरिरहेको मेयर खरेलले जानकारी दिनुभयो।
खरेलले कोरोनाको दोस्रो लहर शुरुवात देखि नै आइसोलेसनमा रहेका कोरोना संक्रमित बिरामीहरुको उपचारमा नगद सहित स्वास्थ्य सामग्रीहरु वितरण गर्दै आइरहनु भएको छ। यस अघिनै नगरपालिकामा रहेका गाडीहरुलाई एम्बुलेन्स सेवाको लागि प्रयोगमा ल्याइएको हो र आफू चढ्ने गाडी समेत संक्रमित स्वास्थ्यकर्मीहरुको लागि ओहोरदोहोरको लागि सहयोग गरिरहेका छन्।
उनले भने यस्तो कोरोना महामारीका वेला संक्रमितहरुलाई सहयोग गर्न पाउँदा मेरो मन शान्त भएको छ र यो सहयोग जारी राखीरहने छु।
अहिले आइसोलेसनमा १५ जना कोरोना संक्रमितहरु रहेका छन् र ४ जना कोरोना संक्रमितहरुको मृत्यु भएको छ।
